الماتىدا اعىلشىن ءتىلىن تەگىن ۇيرەتەتىن كۋرس اشىلادى

2479
Adyrna.kz Telegram

الماتىدا "رۋحاني جاڭعىرۋ" باعدارلاماسى اياسىندا اعىلشىن ءتىلىن تەگىن ۇيرەتەتىن كۋرس باستالادى، دەپ حابارلادى "الماتى" تەلەارناسى. تەلەارنانىڭ مالىمەتىنشە، كۋرسقا قاتىسۋ ءۇشىن الىستان ات تەرلەتىپ كەلۋدىڭ قاجەتى جوق. جوبانى ۇيىمداستىرۋشى "U 38" ۋنيۆەرسيتەتتەر اليانسىنىڭ حابارلاۋى بويىنشا، پروفەسسورلار كۋرستى ونلاين رەجيمدە جۇرگىزەدى. سوندىقتان اعىلشىن ءتىلىن قازاقستاننىڭ كەز كەلگەن جەرىنەن ۇيرەنۋگە بولادى. قاتىسۋشىلار ءۇشىن 7 ساباق دايىندالعان. ياعني، ءتىل مەڭگەرۋشىلەر قالاعان ۋاقىتىندا كۋرسقا قوسىلىپ، ءبىلىم الا الادى. ايتا كەتەيىك، ونلاين كۋرس ءتىلدى جاڭادان ۇيرەنۋشىلەرگە ارنالماعان. ء"بىر دەڭگەي كەرەك اعىلشىن تىلىندە. ونى ءبىز "Pre-Intermediate" دەيمىز. ياعني، ءسىز وسى دەڭگەيدە ءوزىڭىزدىڭ ويىڭىزدى جيناقتاي الاسىز. ءوزىڭىزدىڭ سوزدىك قورىڭىز بار. بۇل كۋرستىڭ ەرەكشەلىگى - ءسىز سول ويلارىڭىزدى دۇرىستاپ، مازمۇنداپ، اۋديتورياعا باعىتتاپ، لەكسيكالىق تۇرعىدان سونى دۇرىستاپ جەتكىزە الاتىن بولاسىز",  - دەدى ابىلايحان اتىنداعى قحق جانە ءات ۋنيۆەرسيتەتىنىڭ دوتسەنتى پەريزات ەلۋباەۆا


kaz.tengrinews.kz

پىكىرلەر