Almatyda "Rýhanı jańǵyrý" baǵdarlamasy aıasynda aǵylshyn tilin tegin úıretetin kýrs bastalady, dep habarlady "Almaty" telearnasy. Telearnanyń málimetinshe, kýrsqa qatysý úshin alystan at terletip kelýdiń qajeti joq. Jobany uıymdastyrýshy "U 38" ýnıversıtetter alıansynyń habarlaýy boıynsha, professorlar kýrsty onlaın rejımde júrgizedi. Sondyqtan aǵylshyn tilin Qazaqstannyń kez kelgen jerinen úırenýge bolady. Qatysýshylar úshin 7 sabaq daıyndalǵan. Iaǵnı, til meńgerýshiler qalaǵan ýaqytynda kýrsqa qosylyp, bilim ala alady. Aıta keteıik, onlaın kýrs tildi jańadan úırenýshilerge arnalmaǵan. "Bir deńgeı kerek aǵylshyn tilinde. Ony biz "Pre-Intermediate" deımiz. Iaǵnı, siz osy deńgeıde ózińizdiń oıyńyzdy jınaqtaı alasyz. Ózińizdiń sózdik qoryńyz bar. Bul kýrstyń ereksheligi - siz sol oılaryńyzdy durystap, mazmundap, aýdıtorııaǵa baǵyttap, leksıkalyq turǵydan sony durystap jetkize alatyn bolasyz", - dedi Abylaıhan atyndaǵy QHQ jáne ÁT ýnıversıtetiniń doenti Perızat Elýbaeva
kaz.tengrinews.kz
