قارۋلى كۇشتەردە ادامدار نەگىزگى قىزمەتتى اتقارادى. دەمەك، وفيتسەر نەمەسە سارباز بولسىن، ولاردىڭ ارقايسىسى كاسىبي تۇرعىدا وقىتىلۋى، قامتىلۋى، مورالدىق-جاۋىنگەرلىك رۋحى جوعارى دەڭگەيدە بولۋى كەرەك. كادرلىق الەۋەتتى ارتتىرۋ ماقساتىندا اسكەري ءبىلىم بەرۋ جۇيەسىن دامىتۋ جانە كادر ساياساتىن جەتىلدىرۋ شارالارى قابىلدانۋدا. بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن بريفينگ بارىسىندا قر قورعانىس ءمينيسترىنىڭ ورىنباسارى سۇلتان كامالەتدينوۆ حابارلادى.
بۇنىڭ تۇپكى ماقساتىندا اسكەري قىزمەتشىلەردىڭ كاسىبي قۇزىرەتىن كەڭەيتۋ، لايىقتى جوعارىلاتۋ جانە اشىقتىق قاعيداسىمەن ولاردىڭ مانساپتىق ءوسۋىن قامتاماسىز ەتۋ جاتىر.
«قارۋلى كۇشتەردەگى كادر ساياساتىنىڭ 2027 جىلعا دەيىنگى تۇجىرىمداماسى ازىرلەندى. وسى ماقساتتا «جاس ۇلان» مەكتەپتەرى، اسكەري كوللەدجدەر، ءۇش اسكەري جوعارى وقۋ ورنى جانە ۇلتتىق قورعانىس ۋنيۆەرسيتەتى اسكەري كادرلار دايارلاۋدا ءۇش دەڭگەيلى جۇيەمەن قىزمەت ەتەدى. ودان وزگە، اسكەري قىزمەتشىلەردىڭ كۋرستىق دايىندىقتان ءوتۋى دە قامتىلعان. نەعۇرلىم تاپشى ماماندىقتار، سونداي-اق قاجەتتى ماماندىقتار بويىنشا دايىندىق شەتەلدىڭ جەتەكشى اسكەري وقۋ ورىندارىندا ۇيىمداستىرىلعان»، - دەدى سپيكەر.
"ادىرنا" ۇلتتىق پورتالى
