Qaruly küşterde adamdar negızgı qyzmettı atqarady. Demek, ofiser nemese sarbaz bolsyn, olardyŋ ärqaisysy käsıbi tūrǧyda oqytyluy, qamtyluy, moraldyq-jauyngerlık ruhy joǧary deŋgeide boluy kerek. Kadrlyq äleuettı arttyru maqsatynda äskeri bılım beru jüiesın damytu jäne kadr saiasatyn jetıldıru şaralary qabyldanuda. Būl turaly Ortalyq kommunikasiialar qyzmetınıŋ alaŋynda ötken brifing barysynda QR Qorǧanys ministrınıŋ orynbasary Sūltan Kamaletdinov habarlady.
Būnyŋ tüpkı maqsatynda äskeri qyzmetşılerdıŋ käsıbi qūzyretın keŋeitu, laiyqty joǧarylatu jäne aşyqtyq qaǧidasymen olardyŋ mansaptyq ösuın qamtamasyz etu jatyr.
«Qaruly küşterdegı kadr saiasatynyŋ 2027 jylǧa deiıngı tūjyrymdamasy äzırlendı. Osy maqsatta «Jas Ūlan» mektepterı, äskeri kolledjder, üş äskeri joǧary oqu orny jäne Ūlttyq qorǧanys universitetı äskeri kadrlar daiarlauda üş deŋgeilı jüiemen qyzmet etedı. Odan özge, äskeri qyzmetşılerdıŋ kurstyq daiyndyqtan ötuı de qamtylǧan. Neǧūrlym tapşy mamandyqtar, sondai-aq qajettı mamandyqtar boiynşa daiyndyq şeteldıŋ jetekşı äskeri oqu oryndarynda ūiymdastyrylǧan», - dedı spiker.
"Adyrna" ūlttyq portaly
