بيىل قىركۇيەكتە Apple جاڭا ۇيالى تەلەفونداردى تانىستىرۋدى جوسپارلاپ وتىر. iPhone 14 توپتاماسىنىڭ سۋرەتى مەن باعاسى جاريالاندى، دەپ حابارلايدى "ادىرنا" ۇلتتىق پورتالى inbusiness.kz-كە سىلتەمە جاساپ.
جاڭا توپتاماعا 6,1 ديۋيمدىك iPhone 14, 6,7 ديۋيمدىك iPhone 14 Max, 6,1 ديۋيمدىك iPhone 14 Pro جانە 6,7 ديۋيمدىك iPhone 14 Pro Max ەنگەن. iPhone 14 ۇيالى تەلەفوندارىنىڭ باعاسى بۇرىنعى مودەلدەرمەن سالىستىرعاندا جوعارى بولادى: iPhone 14 بازالىق مودەلى – 800 دوللار (357 مىڭ 45 تەڭگە، 1 دوللار – 446 تەڭگە), iPhone 14 Max – 900 دوللاردان باستالادى (401 مىڭ 676 تەڭگە), iPhone 14 Pro – 1100 دوللار (490 مىڭ 938 تەڭگە), 14 Pro Max – 1200 دوللار (535 مىڭ 568 تەڭگە).
ايتا كەتەيىك، iPhone 13 توپتاماسىندا ۇيالى تەلەفونداردىڭ باعاسى – 700 دوللار (312 مىڭ 415 تەڭگە), 800 دوللار (357 مىڭ 45 تەڭگە), 1000 دوللار (446 مىڭ 307 تەڭگە), 1100 دوللار (490 مىڭ 938 تەڭگە). بۇل الداعى ۋاقىتتا بارلىق مودەل 100 دوللارعا (44 مىڭ 631 تەڭگە) قىمباتتايتىنىن كورسەتەدى.
"ادىرنا" ۇلتتىق پورتالى
