Bıyl qyrkúıekte Apple jańa uıaly telefondardy tanystyrýdy josparlap otyr. iPhone 14 toptamasynyń sýreti men baǵasy jarııalandy, dep habarlaıdy "Adyrna" ulttyq portaly inbusiness.kz-ke silteme jasap.
Jańa toptamaǵa 6,1 dıýımdik iPhone 14, 6,7 dıýımdik iPhone 14 Max, 6,1 dıýımdik iPhone 14 Pro jáne 6,7 dıýımdik iPhone 14 Pro Max engen. iPhone 14 uıaly telefondarynyń baǵasy burynǵy modeldermen salystyrǵanda joǵary bolady: iPhone 14 bazalyq modeli – 800 dollar (357 myń 45 teńge, 1 dollar – 446 teńge), iPhone 14 Max – 900 dollardan bastalady (401 myń 676 teńge), iPhone 14 Pro – 1100 dollar (490 myń 938 teńge), 14 Pro Max – 1200 dollar (535 myń 568 teńge).
Aıta keteıik, iPhone 13 toptamasynda uıaly telefondardyń baǵasy – 700 dollar (312 myń 415 teńge), 800 dollar (357 myń 45 teńge), 1000 dollar (446 myń 307 teńge), 1100 dollar (490 myń 938 teńge). Bul aldaǵy ýaqytta barlyq model 100 dollarǵa (44 myń 631 teńge) qymbattaıtynyn kórsetedi.
"Adyrna" ulttyq portaly
