بىرنەشە كۇننەن سوڭ الماتىدا وتەتىن ەۋرازيالىق مەديا فورۋمىنا سپيكەر رەتىندە بريتاندىق ساياسي قايراتكەر، «كارتوچنىي دوميك» اتتى الەمگە ايگىلى ساياسي تريللەردىڭ اۆتورى – مايكل دوببس قازاقستانعا ارنايى كەلەدى.
«كارتوچنىي دوميك» تريللەرى جانە باسقا دا ادەبي اتاقتى شىعارمالارىنىڭ ارقاسىندا، لورد مايكل دوببس بريتاندىق ساياسي رومان جازۋشىلارىنىڭ اراسىنداعى ەڭ اتاقتىلاردىڭ ءبىرى بولىپ سانالادى. لورد دوببس سوڭعى ون جىلدىقتا بەلسەندى ساياسي قايراتكەر جانە لوردتار پالاتاسىنىڭ مۇشەسى.
ۇلىبريتانيانىڭ پرەمەر-ءمينيسترى مارگارەت تەتچەر بولىپ تۇرعاندا مايكل دوببس ونىڭ كەڭەسشىسى بولىپ قىزمەت اتقارعان. كەيىننەن دوببس ۇلىبريتانيانىڭ كونسەرۆاتيۆتىك پارتياسى اكىمشىلىگىن باسقارىپ، ۆۆس ارناسىنداعى باسپاسوزگە شولۋ جاڭالىقتار باعاناسىن جۇرگىزگەن.
مايكل دوببس ەۋرازيالىق مەديا فورۋمنىڭ ەكىنشى كۇنى ياعني، 23 مامىردا «قوعامعا سەنىمدىلىك ەۆوليۋتسياسى: جاڭا زاماندا قوعامدى قالاي باسقارۋعا بولادى؟» اتتى پانەلدىك سەكتسياسىنا قاتىسادى.
بۇل سەكتسياداعى پىكىرتالاس جىل سايىنعى «سەنىمدىلىك بارومەترى» جاھاندىق زەرتتەۋدىڭ ناتيجەسى دالەلدەپ وتىرعان سوڭعى جىلدارداعى باق-تىڭ، ۇكىمەتتىك ەمەس ۇيىمداردىڭ، بيزنەستىڭ بيلىك ينستيتۋتتارىنا دەگەن سەنىمنىڭ تومەن دەڭگەيگە تۇسۋىنە ارنالادى. «مۇنداي جاعدايدىڭ ورىن الۋىنىڭ باستى سەبەبى نەدە جانە قوعامدىق ينستيتۋتتارعا ادامداردىڭ سەنىمىن قايتارۋ مۇمكىن بە» دەگەن سۇراقتارعا سەكتسيا جۇمىسى اياسىندا جاۋاپ تابۋعا تالپىنادى. سونداي-اق، بۇل سەكتسيادا لورد دوببستان باسقا حاتيا دەكانويدزە - گرۋزيا ءىىم پوليتسيا اكادەمياسىنىڭ جەتەكشىسى (2007–2012), مەملەكەتتىك جانە ساياسي قايراتكەر، ۋكراينا ۇلتتىق پوليتسياسىنىڭ باستىعى (2015–2016) (گرۋزيا); ەممانۋەل ديۋپيۋي - ەۋروپاداعى دامۋ ينستيتۋتىنىڭ پرەزيدەنتى (فرانتسيا); كلارك پلەكسيكو - «International Strategies Inc.» پرەزيدەنتى (اقش); ماريا ۆالوۆايا - گ.پلەحانوۆ اتىنداعى رەۋ پروفەسسورى (رەسەي); ساۋلە مەكتەپباەۆا - قر قىلمىستىق سوتتاۋ ءىسىن جەتىلدىرۋ بويىنشا ەو جوباسىنىڭ جۇزەگە اسىرۋ جەتەكشىسى (قازاحستان) جانە تاعى دا باسقا سپيكەرلەر پىكىرلەرىمەن بولىسەدى.
فورۋمنىڭ باستى ماقساتى – قازاقستاننىڭ، ەۋرازيانىڭ، سونداي-اق، بارلىق حالىقارالىق قاۋىمداستىقتاردىڭ الەۋمەتتىك–مادەني دامۋىنداعى گەوساياسي، ەكونوميكالىق ماسەلەلەرى بويىنشا ساياساتكەرلەر مەن جۋرناليستەرگە جانە نەگىزگى ساراپشىلار ءۇشىن اشىق جانە ەركىن ديالوگ قۇرۋعا مۇمكىندىك جاساۋ بولىپ تابىلادى.
وسى ۋاقىتقا دەيىن، مەديا فورۋم اياسىندا قازاقستانعا 6000-عا جۋىق شەتەلدىك ساياساتكەرلەر، ەكونوميستەر، ساياساتتانۋشىلار، نوبەل سىيلىعىنىڭ لاۋرەاتتارى، قوعام قايراتكەرلەرى، عالىمدار مەن كاسىپكەرلەر كەلگەن ەكەن.
XV ەۆرازيالىق مەديا فورۋمنىڭ باستى ارىپتەسى - «سامرۇق قازىنا» اق، الەۋمەتتىك ارىپتەسى - «Samruk-Kazyna Trust» الەۋمەتتىك جوبالاردى دامىتۋ قورى.
XV ەۋرازيالىق مەديا فورۋمعا تىركەۋ 18-ءشى مامىرعا دەيىن http://eamedia.org/ru/ رەسمي سايتىندا اشىق بولادى.
ورىندار سانى شەكتەۋلى.
