بۇگىن بۇقارالىق اقپارات قۇرالدارىندا مەملەكەت باسشىسى قاسىم-جومارت توقاەۆتىڭ قازاقستاندا كونستيتۋتسياعا ەنگىزىلەتىن تۇزەتۋلەر جوباسى بويىنشا رەفەرەندۋم وتكىزۋ تۋرالى ۇسىنىسى جارىق كوردى. بۇل تۋرالى سەنات دەپۋتاتى اقمارال ءالنازاروۆا ايتتى، دەپ جازادى “ادىرنا” ۇلتتىق پورتالى baq.kz-كە سىلتەمە جاساپ.
ادەتتە رەفەرەندۋمدار كوبىنەسە ماڭىزدى زاڭ اكتىسىن، قۇجاتتى، كونستيتۋتسياعا تۇزەتۋلەردى قابىلداۋ ءۇشىن وتكىزىلەدى. كونستيتۋتسياعا بۇل تۇزەتۋلەر ىرگەلى سيپاتقا يە جانە ەلدىڭ ساياسي جۇيەسىن تۇبەگەيلى وزگەرتەتىن وزگەرىستەر. ءوز باسىم بۇل ۇسىنىستى قۇپتارلىق دەپ كورەم، سەبەبى بۇل رەفەرەندۋم پرەزيدەنتىمىزدىڭ «حالىقتىڭ ۇنىنە قۇلاق اساتىن مەملەكەت» كونتسەپتسياسىنىڭ جالعاسى رەتىندە سياقتى، - دەدى ءالنازاروۆا.
دەپۋتات اتاعانداي، ونداعى باستى يدەيا - ازاماتتىڭ مۇددەلەرى باستى ورىنعا شىعارۋ.
وندا مەملەكەتتىك ورگانداردىڭ ازاماتتارمەن ءوزارا ارەكەتتەسە وتىرىپ، ازاماتتاردىڭ شەشىم قابىلداۋ جانە ولاردىڭ باقىلاۋ پروتسەسىنە تارتىلۋىنا مۇمكىندىك بەرەتىن كەدەرگىسىز مەملەكەت قۇرۋ دەپ بىلەمىن. كونستيتۋتسياعا تۇزەتۋلەردى رەفەرەندۋم وتكىزۋ ارقىلى ەنگىزۋ، بۇل حالىقتىڭ ەرىك ءبىلدىرۋىنىڭ جارقىن كورىنىسى، سەبەبى ءاربىر ازامات «جاڭا قازاقستاننىڭ» قۇرىلىسىنا قاتىسا الادى، - دەدى ءالنازاروۆا.
