كونستيتۋتسيالىق سوتتىڭ قابىلداعان شەشىمدەرىنىڭ، قىزمەتىنىڭ ماڭىزدىلىعى ودان دا جوعارى دارەجەگە كوتەرىلەدى. مۇنداي پىكىردى زاڭ عىلىمدارىنىڭ دوكتورى، ساياساتتانۋشى سارا يدرىشەۆا ايتتى، دەپ حابارلايدى “ادىرنا” ۇلتتىق پورتالى Baq.kz سايتىنا سىلتەپ.
“مەنىڭ ويىمشا، پرەزيدەنتتىڭ ەڭ باتىل شەشىمدەرىنىڭ ءبىرى – ول ءوزىن ساياسي پارتيالارعا مۇشەلىكتەن شەكتەۋى. بۇرىن پرەزيدەنت ساياسي پارتيانىڭ مۇشەسى دە، توراعاسى دا بولۋعا مۇمكىندىگى بولاتىن. قازىر مەملەكەت باسشىسى قاسىم-جومارت توقاەۆ ءوزىنىڭ ونداي قۇقىقتارىن الىپ تاستاۋعا باتىل شەشىم قابىلدادى”، - دەپ ايتتى ساياساتتانۋشى.
سارا يدرىشەۆا تاعى ءبىر حالىققا ءتيىمدى بولاتىن جاڭالىق تۋرالى ايتىپ بەردى.
“ول بۇرىننان حالىقتىڭ كوپ تالقىلاۋىندا جۇرگەن پرەزيدەنتتىڭ تۋىستارى، جاقىن تۋىستارىنا قاتىستى. ەندى پرەزيدەنتتىڭ جاقىن تۋىستارى جوعارى ساياسي لاۋازىمداردى يەلەنە المايتىن جاڭا نورما ەنگىزىپ وتىرمىز. سونىمەن قاتار كونستيتۋتسيالىق كەڭەس دەپ اتالاتىن مەملەكەتتىك ورگان «كونستيتۋتسيالىق سوت» دەگەن بۇرىنعى اتاۋىنا قايتا يە بولدى. بۇل – وتە ماڭىزدى. ەندى كونستيتۋتسيالىق سوتتىڭ قابىلداعان شەشىمدەرىنىڭ، قىزمەتىنىڭ ماڭىزدىلىعى ودان دا جوعارى دارەجەگە كوتەرىلەدى”، - دەپ ءتۇسىندىردى سارا يدرىشەۆا.
ونىڭ پىكىرىنشە، بۇل ورگان پايدالى ءارى ءتيىمدى بولادى.
ەسكە سالا كەتەيىك، 22 ساۋىردە پرەزيدەنت قاسىم-جومارت توقاەۆ كونستيتۋتسياعا وزگەرىستەر مەن تولىقتىرۋلار ەنگىزۋ جونىندە كەڭەس وتكىزگەن بولاتىن. مەملەكەت باسشىسى ءوز سوزىندە جولداۋدا ايتىلعان ساياسي باستامالاردى جۇزەگە اسىرۋ ءۇشىن اتا زاڭىمىزعا وزگەرىستەر مەن تولىقتىرۋلار ەنگىزۋ كەرەك ەكەنىن ايتتى.
”ادىرنا” ۇلتتىق پورتالى
