بەلسەندىلەر مەن دەپۋتاتتار الماتى وبلىسى تالعار اۋدانى داۋلەت اۋىلىندا ورنالاسقان بالىق ۇنىن وندىرەتىن زاۋىت اۋماعىنان ۇيىلگەن جانۋارلار قالدىعىن تاپتى دەپ حابارلايدى “ادىرنا” ۇلتتىق پورتالى stan.kz-كە سىلتەمە جاساپ.
بەلسەندىلەر مۇنىڭ قورشاعان ورتا مەن تۇرعىندار دەنساۋلىعى ءۇشىن قاۋىپتى ەكەنىن ايتادى. تەكسەرىس كەزىندە زاۋىتتان وزگە دە زاڭ بۇزۋشىلىقتار انىقتالدى. كاسىپورىندا جۋىپ-شاياتىن قازاندىق جۇمىس ىستەپ تۇرعان، الايدا ول ارنايى سەپتيكپەن قامتاماسىز ەتىلمەگەن ءارى رۇقساتى دا بولماعان.
تسەح جۇمىسشىلارى كاسىپورىن اۋماعىندا قورعانىش كوستيۋمى، قولعاپ جانە بەتپەردە كيمەگەن. ماسەلەنى تالعار اۋداندىق اكىمدىگىنىڭ قىزمەتكەرلەرى ءوز باقىلاۋىنا الدى.
"زاڭ بۇزۋشىلىقتى جويۋ ءۇشىن ءبىر اپتا مەرزىم بەرىلدى. كەلەسى اپتادا الماتى وبلىسى ەكولوگيا دەپارتامەنتىنىڭ قىزمەتكەرلەرى زاۋىتتا ساراپتاما جۇرگىزەدى. كاسىپورىنعا ايىپپۇل سالىنادى، قازىر تالعار اۋداندىق ۆەتەرينارلىق ستانتسياسىنا ءبىزدىڭ تاراپىمىزدان حات جىبەرىلەدى", - دەدى اكىمدىكتىڭ ءباسپاسوز قىزمەتىندەگىلەر.
“ادىرنا” ۇلتتىق پورتالىنىڭ Telegram ارناسىنان ۆيدەونى كورە الاسىز.
”ادىرنا” ۇلتتىق پورتالى
