اتىراۋ وبلىسىنىڭ جىلىوي اۋدانىنداعى جەم وزەنى تاسىپ، سالدارىنان قۇلسارى قالاسىنداعى ۇيلەردى سۋ باستى، دەپ حابارلايدى “ادىرنا” ۇلتتىق پورتالى.
«21 ءساۋىر كۇنى ساعات 05:57-دە جىلىوي اۋدانى قۇلسارى قالاسىنىڭ 7-ءشى اۋىلىندا جەم وزەنىندەگى سۋ دەڭگەيىنىڭ كوتەرىلۋىنە بايلانىستى ءۇش اۋلا اۋماعىن سۋ باستى. 10 ادام، ونىڭ ىشىندە ءتورت بالا ەۆاكۋاتسيالاندى. ولار تۋىستارىنىڭ ۇيلەرىنە ورنالاستىرىلدى.
ەڭ قاۋىپتى ۋچاسكەدە 7-ءشى اۋىلدىڭ ۇيلەرىن قورعاۋ ءۇشىن توپىراق ءۇيىندىسىن سالۋ جانە قۇم سالىنعان قاپتاردى توسەۋ بويىنشا جۇمىستار جۇرگىزىلۋدە. جۇمىستارعا اتىراۋ وبلىسى توتەنشە جاعدايلار دەپارتامەنتى، جەرگىلىكتى اتقارۋشى ورگاندار، اۋداندىق پوليتسيا ءبولىمى جانە جىلىوي اۋدانىنىڭ ءىرى كاسىپورىندارىنىڭ قىزمەتكەرلەرى مەن تەحنيكاسى قاتىسادى. بارلىعى 92 ادام مەن 24 تەحنيكا»، دەدى وبلىستىق تجد ءباسپاسوز قىزمەتى.
”ادىرنا” ۇلتتىق پورتالى
