قۇقىق قورعاۋشى دينا ءتاڭسارى Facebook-پاراقشاسىندا قىزىلوردا وبلىسىندا پەدوفيل ەكىنشى سىنىپ وقۋشىسىن زورلاعانىن جاريالادى، - دەپ حابارلايدى “ادىرنا” ۇلتتىق پورتالى.
انىعىراق ايتقاندا، وقيعا جاڭاقورعاندا ورىن العان.
"#نەمولچيKZ قورىنا انونيم ۇندەۋ كەلىپ ءتۇستى، وسى جاعدايدى راستاۋ نەمەسە جوققا شىعارۋىڭىزدى وتىنەمىن. ەگەر بۇل قىلمىس جاسالعان بولسا، قانداي شارا قولدانىلدى، كامەلەتكە تولماعان جابىرلەنۋشىگە قانداي كومەك كورسەتىلدى؟ وسىنداي قىلمىستاردىڭ الدىن الۋ ءۇشىن حالىقپەن قانداي جۇمىستار جۇرگىزىلدى؟" - دەپ جازدى پوست اۆتورى.
كەيىن ول انونيم ۇندەۋ ءماتىنىن جاريالادى.
ء"بىر اپتا بۇرىن 2-سىنىپ وقۋشىسى زورلاندى... جۇرەك ۇستاماسى بار قىزدىڭ اناسى جاتىپ قالدى، اۋىرىپ قالعان، اكەسى شوك العان. زورلاۋشى قىزدى مەكتەپكە اپارىپ تاستايمىن دەپ الداپ، كولىككە وتىرعىزىپ الىپ كەتىپ، زورلاعان. قورلاپ، كەيىن سول جەرگە اكەپ تاستاپ، كەتىپ قالعان", - دەلىنگەن حاتتا.
وبلىستىق پوليتسيا دەپارتامەنتىنىڭ ءباسپاسوز قىزمەتى بۇل دەرەك قىلمىستىق كودەكستىڭ 121-بابى 4-بولىگى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلگەنىن اتاپ ءوتتى.
"كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ساراپتامالار تاعايىندالدى", - دەدى پوليتسەيلەر.
قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس سوتالدى تەرگەپ-تەكسەرۋ دەرەكتەرى جاريا ەتۋگە جاتپايدى.
“ادىرنا” ۇلتتىق پورتالى
