Qūqyq qorǧauşy Dina Taŋsärı Facebook-paraqşasynda Qyzylorda oblysynda pedofil ekınşı synyp oquşysyn zorlaǧanyn jariialady, - dep habarlaidy “Adyrna” ūlttyq portaly.
Anyǧyraq aitqanda, oqiǧa Jaŋaqorǧanda oryn alǧan.
"#NeMolchiKZ qoryna anonim ündeu kelıp tüstı, osy jaǧdaidy rastau nemese joqqa şyǧaruyŋyzdy ötınemın. Eger būl qylmys jasalǧan bolsa, qandai şara qoldanyldy, kämeletke tolmaǧan jäbırlenuşıge qandai kömek körsetıldı? Osyndai qylmystardyŋ aldyn alu üşın halyqpen qandai jūmystar jürgızıldı?" - dep jazdy post avtory.Keiın ol anonim ündeu mätının jariialady.
"Bır apta būryn 2-synyp oquşysy zorlandy... Jürek ūstamasy bar qyzdyŋ anasy jatyp qaldy, auyryp qalǧan, äkesı şok alǧan. Zorlauşy qyzdy mektepke aparyp tastaimyn dep aldap, kölıkke otyrǧyzyp alyp ketıp, zorlaǧan. Qorlap, keiın sol jerge äkep tastap, ketıp qalǧan", - delıngen hatta.Oblystyq polisiia departamentınıŋ baspasöz qyzmetı būl derek Qylmystyq kodekstıŋ 121-baby 4-bölıgı ("Seksualdyq sipattaǧy zorlyq-zombylyq äreketterı") boiynşa sotaldy tergep-tekserudıŋ bıryŋǧai tızılımıne tırkelgenın atap öttı.
"Küdıktı ūstalyp, uaqytşa ūstau izoliatoryna qamaldy. Saraptamalar taǧaiyndaldy", - dedı poliseiler.Qazaqstan Respublikasy Qylmystyq ıs jürgızu kodeksınıŋ 201-babynyŋ talaptaryna säikes sotaldy tergep-tekseru derekterı jariia etuge jatpaidy.
“Adyrna” ūlttyq portaly
