الماتىدا 2021 جىلدىڭ 20 قىركۇيەگىندە الماتىنىڭ اقبۇلاق شاعىن اۋدانىندا بەس ادامنىڭ ولىمىنە قاتىستى ءىس بويىنشا باستى سوت پروتسەسى جالعاسۋدا. تاراپتار ءالى ايتىسىپ جاتىر، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە جاساپ.
جارىسسوزدە پروكۋرور ايىپتالۋشى يگور دۋجنوۆقا ەڭ جوعارى جازانى سۇرادى.
دۋجنوۆتىڭ ءوز ىسىنە ەش وكىنبەيتىنىن ەسكەرە وتىرىپ، ونىڭ مۇلكىن تاركىلەمەي ەڭ جوعارى جازا تاعايىنداۋ قاجەت دەپ ەسەپتەيمىن، - دەدى پروكۋرور.
ەسكە سالايىق، 2021 جىلدىڭ 20 قىركۇيەگىندە الماتىنىڭ الاتاۋ اۋدانىنداعى اقبۇلاق شاعىن اۋدانىندا 54 جاستاعى يگور دۋجنوۆ باسقالارعا وق جاۋدىرعان. سالدارىنان بەس ادام قايتىس بولدى. ولاردىڭ اراسىندا سوت ورىنداۋشىسى، ەكى پوليتسەي جانە ەكى بەيبىت تۇرعىن بار. بەلگىلى بولعانداي، بەيبىت تۇرعىنداردىڭ ءبىرى ءۇيدىڭ جاڭا قوجايىنى بولسا، ەكىنشىسى ونىڭ تانىسى. «كىسى ءولتىرۋ» جانە «بيلىك وكىلىنە شابۋىل» جاساۋ بابتارى بويىنشا تەرگەۋ جۇرگىزىلدى.
"ادىرنا" ۇلتتىق پورتالى
