گۋربانگۋلى بەردىمۋحامەدوۆ تۇركى مەملەكەتتەرى ۇيىمى اقساقالدار كەڭەسىنىڭ مۇشەسى بولدى

5442
Adyrna.kz Telegram

گۋربانگۋلى بەردىمۋحامەدوۆ تۇركى مەملەكەتتەرى ۇيىمى اقساقالدار كەڭەسىنىڭ مۇشەسى بولدى. بۇل تۋرالى تۇركى مەملەكەتتەرى ۇيىمىنىن حاتشىلىعىنىڭ ءباسپاسوز اقپاراتى حابارلادى. 

تۇرىكمەنستاننىڭ بۇرىنعى پرەزيدەنتى جانە حالىق ماسلاحاتى ميللي گەنگەش توراعاسى ج.م. گۋربانگۋلى بەردىمۋحامەدوۆ تۇرىكمەنستان اقساقالى رەتىندە تمۇ اقساقالدار كەڭەسىنىڭ مۇشەسى بولدى.

تۇركى مەملەكەتتەرى ۇيىمىنىڭ حاتشىلىعى ج.م.گ.بەردىمۋحامەدوۆتىڭ ۇيىمىنىڭ كونسۋلتاتيۆتىك-كەڭەستىك ورگانى بولىپ تابىلاتىن اقساقالدار كەڭەسىنىڭ جۇمىسىنا قاتىسۋى تۇركى الەمىندەگى ساياسي، ەكونوميكالىق جانە مادەني-گۋمانيتارلىق سالالارداعى كوپقىرلى ىنتىماقتاستىقتى تەرەڭدەتۋدەگى باۋىرلاس تۇرىكمەنستاننىڭ ۇلەسىنىڭ ارتۋىنا جاڭا سەرپىن بەرەدى- دەپ سەنەدى.

حاتشىلىق جوعارى مارتەبەلىنىڭ ۇيىمنىڭ تانىمالدىلىعىن ارتتىرۋدا ماڭىزدى ءرول اتقارا الاتىنىن ايتا وتىرىپ، اقساقالدار كەڭەسىنىڭ الەۋەتىن ءوزىنىڭ دانالىعىمەن، تاجىريبەسىمەن جانە بىلىمىمەن ودان ءارى بايىتادى دەگەن سەنىمدە.

"ادىرنا" ۇلتتىق پورتالى

پىكىرلەر