بيىل قازاقستاندا جىل سايىن وتەتىن 7 جانە 9 مامىردا اسكەري شەرۋلەر بولمايدى. ونىڭ سەبەبىن قورعانىس مينيسترلىگى ءتۇسىندىردى، دەپ حابارلايدى “ادىرنا” ۇلتتىق پورتالى.
«قازاقستاندا 2022 جىلى اسكەري پاراد وتكىزۋ بيۋدجەتتى ۇنەمدەۋ، سونداي-اق باسقا دا ماسەلەلەردى شەشۋ قاجەتتىلىگىنە بايلانىستى جوسپارلانبايدى»، - دەپ حابارلادى مينيسترلىك.
قورعانىس مينيسترلىگى قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىنىڭ قاجەتتى دەڭگەيىن قامتاماسىز ەتۋدى، مەملەكەتتىك جانە اسكەري نىسانداردى كۇزەتۋ مەن قورعانىسىن قامتاماسىز ەتۋ جونىندەگى مىندەتتەردى ورىنداۋدى باسىمدىقتار رەتىندە اتادى.
“ادىرنا” ۇلتتىق پورتالى
