التىن وردا بازارىنىڭ تولەنبەگەن سالىعى 1,1 ملرد تەڭگەدەن اسىپ كەتكەن

2610
Adyrna.kz Telegram

قر ساۋدا جانە ينتەگراتسيا مينيسترلىگى ساۋدا كوميتەتى توراعاسىنىڭ ورىنباسارى ايدار ابىلدابەكوۆ “التىن وردا” بازارىنىڭ تەكسەرىس جۇمىستارى اياقتالۋعا جاقىن ەكەنىن مالىمدەدى، دەپ حابارلايدى “ادىرنا” ۇلتتىق پورتالى.

قازىرگى تاڭدا 114 ساۋدا بازارىندا قاتاڭ تەكسەرىس جۇرگىزىلىپ جاتىر.

"التىن وردا" بازارىنا جۇرگىزىلگەن جەدەل تەكسەرۋ جۇمىستارى اياقتالىپ جاتىر. باقىلاۋ ناتيجەلەرى بويىنشا كوپتەگەن زاڭ بۇزۋشىلىقتار انىقتالدى، ونىڭ ىشىندە سالىق زاڭناماسى بويىنشا ءوسىمپۇل ەسەپتەلگەنگە دەيىنگى سوما قازىردىڭ وزىندە 1,1 ملرد تەڭگەدەن اسىپ كەتكەن. سالىق سالىناتىن بازانى تومەندەتىپ كورسەتۋ فاكتىلەرى كوپ، باقىلاۋ-كاسسالىق ماشينالارى جوق جانە ت.ب. سونداي-اق فيتوسانيتارلىق جانە ۆەتەرينارلىق نورمالار دا بۇزىلعان", - دەدى ايدار ابىلدابەكوۆ سارسەنبى كۇنى وتكەن بريفينگتە.

ء"بىز قاجەتتى ينفراقۇرىلىمدى اۋماقتىق ورنالاستىرۋدىڭ جانە شوعىرلاندىرۋدىڭ ماقساتقا سايكەستىگىن قاراستىرامىز. سونىمەن قوسا نارىق يەسىن وتاندىق تاۋار وندىرۋشىلەردىڭ باسىمدىقتى، ساۋدا ورىندارىنا ەركىن قول جەتكىزۋى ءۇشىن نارىقتاردى جاڭعىرتۋدى مىندەتتەيمىز", - دەپ قوستى كوميتەت توراعاسىنىڭ ورىنباسارى.

”ادىرنا” ۇلتتىق پورتالى

پىكىرلەر