QR saýda jáne ıntegraııa mınıstrligi saýda komıteti tóraǵasynyń orynbasary Aıdar Ábildabekov “Altyn orda” bazarynyń tekseris jumystary aıaqtalýǵa jaqyn ekenin málimdedi, dep habarlaıdy “Adyrna” ulttyq portaly.
Qazirgi tańda 114 saýda bazarynda qatań tekseris júrgizilip jatyr.
"Altyn orda" bazaryna júrgizilgen jedel tekserý jumystary aıaqtalyp jatyr. Baqylaý nátıjeleri boıynsha kóptegen zań buzýshylyqtar anyqtaldy, onyń ishinde salyq zańnamasy boıynsha ósimpul eseptelgenge deıingi soma qazirdiń ózinde 1,1 mlrd teńgeden asyp ketken. Salyq salynatyn bazany tómendetip kórsetý faktileri kóp, baqylaý-kassalyq mashınalary joq jáne t.b. Sondaı-aq fıtosanıtarlyq jáne veterınarlyq normalar da buzylǵan", - dedi Aıdar Ábildabekov sársenbi kúni ótken brıfıngte.
"Biz qajetti ınfraqurylymdy aýmaqtyq ornalastyrýdyń jáne shoǵyrlandyrýdyń maqsatqa sáıkestigin qarastyramyz. Sonymen qosa naryq ıesin otandyq taýar óndirýshilerdiń basymdyqty, saýda oryndaryna erkin qol jetkizýi úshin naryqtardy jańǵyrtýdy mindetteımiz", - dep qosty komıtet tóraǵasynyń orynbasary.
”Adyrna” ulttyq portaly
