ءبىلىم جانە عىلىم ءمينيسترى اسحات ايماعامبەتوۆ «الىپپە» وقۋلىعىن لاتىن گرافيكاسىمەن شىعارۋعا قاتىستى پىكىر ءبىلدىردى دەپ حابارلادى ”ادىرنا” ۇلتتىق پورتالى.
ونىڭ ايتۋىنشا، لاتىن گرافيكاسى نەگىزىندەگى قازاق الىپپەسىنە زەرتتەۋ جالعاسىپ جاتىر. سوڭعى نۇسقا ءالى قابىلدانعان جوق.
«لاتىن گرافيكاسى بويىنشا ءالى زەرتتەۋ ءجۇرىپ جاتىر. زەرتتەۋلەر اياقتالعاننان كەيىن وسى ماسەلە تۋرالى ناقتى ايتاتىن بولامىز. حالىققا جاريالايمىز جانە تالقىلاۋعا سالامىز. سوسىن ءتيىستى شەشىم قابىلدايمىز. بۇل عىلىم عوي. ءبىز ولار قانداي ناتيجەگە كەلەتىنىن ايتا المايمىز»، – دەدى ايماعامبەتوۆ.
مينيستر اۋەلى لاتىن گرافيكاسىنىڭ سوڭعى نۇسقاسىن قابىلداپ الۋ قاجەتتىگىن ايتتى.
«ەڭ ءبىرىنشى قابىلداپ الۋ كەرەك قوي. ودان كەيىن جاۋاپ بەرۋگە بولادى»، – دەدى ول.
Sputnik.kz مالىمەتىنشە، بۇعان دەيىن ءبىلىم جانە عىلىم ۆيتسە-ءمينيسترى شولپان كارينوۆا «الىپپەنىڭ» لاتىن گرافيكاسىن نەگىزىندە شىعارىلاتىنى تۋرالى ايتقان.
2021 جىلدىڭ باسىندا لاتىن الىپپەسىنىڭ جاڭا جوباسى تانىستىرىلعان بولاتىن.
جەتىلدىرىلگەن الىپپەدە ءارىپ سانى – 31, الىپپە تەك لاتىن الىپپەسى بازالىق جۇيەسى تاڭبالارىنان قۇرالعان.
بۇل الىپپەدە قازاق ءتىلىنىڭ 28 دىبىسى تولىق قامتىلعان. قازىرگى ءا(ä), ءو(ö), ءۇ(ü), ۇ(ū) جانە ع(ğ), ش(ş) قازاق ارىپتەرى دياكريتيكالىق تاڭبالارمەن بەرىلگەن. الىپپەدە حالىقارالىق تاجىريبەدە قولدانىستا بار ۋملياۋت ( ̈ ), ماكرون ( ˉ ), سەديل ( ̧), برەۆيس ( ̌ ) دياكريتيكالىق تاڭبالارى قولدانىلعان.
مامانداردىڭ ايتۋىنشا، الىپپە قازاق ءتىلىنىڭ جازۋ داستۇرىندە ورنىققان «ءبىر دىبىس – ءبىر ءارىپ» پرينتسيپىنە تولىق سايكەس كەلەدى. جاڭا الىپپەگە كەزەڭ-كەزەڭىمەن كوشۋ 2023 جىلدان باستاپ 2031 جىل ارالىعىندا جوسپارلانىپ وتىر.
“ادىرنا” ۇلتتىق پورتالى
