Bilim jáne ǵylym mınıstri Ashat Aımaǵambetov «Álippe» oqýlyǵyn latyn grafıkasymen shyǵarýǵa qatysty pikir bildirdi dep habarlady ”Adyrna” ulttyq portaly.
Onyń aıtýynsha, latyn grafıkasy negizindegi qazaq álippesine zertteý jalǵasyp jatyr. Sońǵy nusqa áli qabyldanǵan joq.
«Latyn grafıkasy boıynsha áli zertteý júrip jatyr. Zertteýler aıaqtalǵannan keıin osy másele týraly naqty aıtatyn bolamyz. Halyqqa jarııalaımyz jáne talqylaýǵa salamyz. Sosyn tıisti sheshim qabyldaımyz. Bul ǵylym ǵoı. Biz olar qandaı nátıjege keletinin aıta almaımyz», – dedi Aımaǵambetov.
Mınıstr áýeli latyn grafıkasynyń sońǵy nusqasyn qabyldap alý qajettigin aıtty.
«Eń birinshi qabyldap alý kerek qoı. Odan keıin jaýap berýge bolady», – dedi ol.
Sputnik.kz málimetinshe, buǵan deıin Bilim jáne ǵylym vıe-mınıstri Sholpan Karınova «Álippeniń» latyn grafıkasyn negizinde shyǵarylatyny týraly aıtqan.
2021 jyldyń basynda latyn álippesiniń jańa jobasy tanystyrylǵan bolatyn.
Jetildirilgen álippede árip sany – 31, álippe tek latyn álippesi bazalyq júıesi tańbalarynan quralǵan.
Bul álippede qazaq tiliniń 28 dybysy tolyq qamtylǵan. Qazirgi á(ä), ó(ö), ú(ü), u(ū) jáne ǵ(ğ), sh(ş) qazaq áripteri dıakrıtıkalyq tańbalarmen berilgen. Álippede halyqaralyq tájirıbede qoldanysta bar ýmlıaýt ( ̈ ), makron ( ˉ ), sedıl ( ̧), brevıs ( ̌ ) dıakrıtıkalyq tańbalary qoldanylǵan.
Mamandardyń aıtýynsha, álippe qazaq tiliniń jazý dástúrinde ornyqqan «bir dybys – bir árip» prınıpine tolyq sáıkes keledi. Jańa álippege kezeń-kezeńimen kóshý 2023 jyldan bastap 2031 jyl aralyǵynda josparlanyp otyr.
“Adyrna” ulttyq portaly
