«ادىرنا» ۇلتتىق پورتالىنىڭ ەلەكتروندى پوچتاسىنا عالىمبەك مۋسين ەسىمدى ازاماتتان ەڭبەك قاتىناسىنداعى زاڭ بۇزۋشىلىق پەن الداۋ، كىسى اقىسىن جەۋگە قاتىستى حات كەلىپ ءتۇستى. جۇمىسشىلار 390 ملن تەڭگەدەن قاعىلدى دەيدى. باسىنان باستايىق.
قازاقستان ەكونوميكاسى ءۇشىن ەڭ باستىسى، ەڭ الدىمەن وتاندىق ءونىم مەن وتاندىق كاسىپكەرلەردى قولداۋ بولۋى ءتيىس. بۇل تۋرالى پرەزيدەنت قاسىم-جومارت توقاەۆ تا بىرنەشە مارتە مالىمدەمە جاساپ، وتاندىق كاسىپكەردى قولداۋ مەن وتاندىق جۇمىسشى كۇشىنە بارلىق جوبا اياسىندا سەنىم اپترۋعا شاقىرعان بولاتىن. بۇل اسىرەسە وتاندىق جۇمىسشىلار مەن شەتەلدىك جۇمىسشىلار اراسىنداعى ەڭبەكاقانىڭ ايىرماشىلىعىنا بايلانىستى نارازىلىق ءجيى بولاتىن ەلىمىزدىڭ باتىسىنداعى مۇناي سالاسى سەكتورىنا تىكەلەي قاتىستى. الايدا تەنگيزشەۆرويلدىڭ كەيبىر مەردىگەرلەرى ايماقتاعى جاعدايدى ۋشىقتىرۋ ءۇشىن قاساقانا جاعدايدى قيىنداتۋعا باراتىن سىڭايلى.
سونداي ءبىر مەردىگەر رەتىندە «سەنىمدى قۇرىلىس» جشس ايتۋعا بولادى، ول اقش پەن تۇركيا رەزيدەنتتەرىنە تيەسىلى. ءدال وسى كومپانيا تشو-مەن قۇرىلىس جاساۋ، جوندەۋ جۇمىستارىن جۇرگىزۋ جانە وزگە دە قىزمەت تۇرلەرىن كورسەتۋ بويىنشا كەلىسىم جاسايدى. ارتىنشا «سەنىمدى قۇرىلىس» سۋبپودرياد وكىلدەرىمەن كەلىسىم جاساپ، جۇمىسشىلار توبىن تارتا وتىرىپ وتاندىق قىزمەت رەتىندە جۇمىسقا كىرىسەدى. سونداي مەردىگەر كومپانيانىڭ ءبىرى، كىشى جانە ورتا كاسىپ وكىلى سانالاتىن «Asia Operating Corporation» (AOس) كومپانياسى. 2016 جىلدىڭ 1 قازانىندا «سەنىمدى قۇرىلىسپەن» كەلىسىم جاساپ، بىراقتى نەگىزدە قىزمەتكەرلەرگە ساعاتىنا 2121 مەن 3144 تەڭگە، نەمەسە ورتا ەسەپپەن 6 دوللار تولەۋگە كەلىسكەن بولاتىن (2016 جىلى 1 دوللار 353,70 تەڭگەگە تەڭ ەدى، ال 2019 جىلى 385,76 تەنگەنى قۇرادى).
«تىم تومەن باعا بەرسە دە، AOس ۇسىنىلعان كەلىسىمگە كوندى، سەبەبى جۇمىسشىلارعا جۇمىس تاۋىپ بەرۋ قاجەت بولدى. وسى كەلىسىم بويىنشا ءبىز 2016 مەن 2019 جىلدارى جۇمىس ىستەدىك»، - دەيدى جشس ديرەكتورى عالىمبەك مۋسين. ول 2121 تەڭگەنىڭ ىشىنە تەك قانا ايلىق ەمەس، سونىمەن بىرگە تۇرۋ اقىسى، تاماقتاندىرۋ، نىساندارعا جەتكىزۋ جانە تاعى باسقا كىرگەنىن ايتادى.
«وتە تومەن باعا بەرىلگەندىكتەن، مەنىڭ كومپانيا ۇلكەن شىعىنعا ۇشىراپ، شىنايى نەگىزدە بانكروتتىق جاعدايعا تاپ بولدى. وسى باعامەن ءبىز جالاقى تولەدىك، مەيرام كۇندەرى دە وسى قارجىدان ۇستەمە بەردىك، تۇرۋ مەن تاماقتاندىرۋ اقىسىن وتەدىك، ارنايى كيىمدى دە وسى قارجىدان الدىق»، - دەيدى مۋسين.
ونىڭ سوزىنشە «سەنىمدى قۇرىلىس» شىعىنداردىڭ ءبىرشاماسىن جاباتىنىن ايتقان. الايدا 2019 جىلى كەلىسىمدى ءۇزىپ، ۋادەلەرىن ورىنداماعان. مەردىگەر مەن قوسالقى مەردىگەر اراسىندا كەلىسىم بار، كەلىسىلگەن قارجى تولەندى، تاراپتار ەكى جاققا كەتسە بولادى دەيتىن شىعارسىز. الايدا بۇل جاعدايدا تاعى ءبىر شيكىلىك بار. تشو ءوز جوبالارىنا تارتىلعان جۇمىسشىلاردى قامتاماسىز ەتۋ ءۇشىن قارجى بولەدى، مەردىگەردىڭ بارلىق شىعىنىن وتەيدى، ونىڭ ىشىنە «سەنىمدى قۇرىلىس» جشس دا كىرەدى. دەمەك، شەتەلدىك مەردىگەر تشو-دان العان بارلىق قارجىنى جۇمىسشىلارعا بەرۋى مىندەتتى. عالىمبەك ءمۋسيننىڭ قولىنا باس كەلىسىم قۇشاتى تۇسكەن، وندا سۋبپودريادقا «سەنىمدى قۇرىلىس» تولەۋى ءتيىس بارلىق شىعىن مەن قارجى تايعا تاڭبا باسقانداي جازىلعان. وندا جۇمىسشىلاردىڭ ساعاتىنا 5,7 دوللار ەمەس، 15,66 دوللار تولەۋى ءتيىس دەپ كورسەتىلگەن، بۇل و باستاعى كەلىسىمنەن ءۇش ەسە كوپ دەگەن ءسوز. ءمۋسيننىڭ ەسەپتەۋى بويىنشا «Asia Operating Corporation» جشس ءتورت جىلدىڭ ىشىندە 390 ميلليون تەڭگەدەن قاعىلعان. ال ەڭ باستى سۇراق، «سەنىمدى قۇرىلىس» يەلەرى بولىپ تابىلاتىن تۇركيا مەن اقش ازاماتتارى ول قارجىنى قايدا جىبەردى؟
«نەگە «سەنىمدى قۇرىلىس» ءوز قوسالقى مەردىگەر (سۋبپودرياد) وكىلدەرىنە كوڭىلگە ءوونىمدى قارجى بەرمەيدى، ونىڭ ىشىندە مەنىڭ كومپانياما دا؟ اقشا قايدا كەتىپ جاتىر؟ مەن سياقتىلار وتە كوپ. ەگەر شىن سانايتىن بولساق، وندا بۇل وراسان قارجى»، - دەيدى كاسىپكەر.
بارلىق دالەلدەمەلەر مەن ەسەپتەۋلەردى جيناقتاپ، سەنىمدى قۇرىلىس 120 ملرد تەڭگەگە جۋىق قارجىنى شەكارا اسىرىپ جىبەرۋى مۇمكىن دەگەن حاتتى عالىمبەك مۋسين ەل پرەزيدەنتىنە دە، اتىراۋ وبلىسى اكىمدىگى مەن ءماجىلىس جانە سەنات سپيكەرلەرىنە دە، باس پروكۋرورعا دا جانە وزگە دە ورگاندارعا جىبەرگەن، الايدا بىردە ءبىر تەرگەۋ مەن زەرتتەۋ جۇمىستارى باستالماعان. كاسىپكەرگە اتالمىش ماسەلە بويىنشا سوتقا جۇگىنىڭىز دەگەننەن باسقا ماردىمدى جاۋاپ كەلمەپتى. ءوزى قول قويعان كەلىسىمشارتتىڭ بارىن جاقسى تۇسىنەتىن مۋسين، سوتتى جەڭە المايتىنىن بىلەدى. الايدا شىنايى جاعدايعا قارايتىن بولساق، قازاقستاندىق جۇمىسشىلار لايىقتى قارجى الۋعا ءتيىس ساتتە تيىن-تەبەن الىپ كەلگەن، ال تاپسىرىس بەرۋشى بار بولعانى الداپ كەتكەن.
"ادىرنا" ۇلتتىق پورتالى
