«Adyrna» ulttyq portalynyń elektrondy pochtasyna Ǵalymbek Mýsın esimdi azamattan eńbek qatynasyndaǵy zań buzýshylyq pen aldaý, kisi aqysyn jeýge qatysty hat kelip tústi. Jumysshylar 390 mln teńgeden qaǵyldy deıdi. Basynan bastaıyq.
Qazaqstan ekonomıkasy úshin eń bastysy, eń aldymen otandyq ónim men otandyq kásipkerlerdi qoldaý bolýy tıis. Bul týraly prezıdent Qasym-Jomart Toqaev ta birneshe márte málimdeme jasap, otandyq kásipkerdi qoldaý men otandyq jumysshy kúshine barlyq joba aıasynda senim aptrýǵa shaqyrǵan bolatyn. Bul ásirese otandyq jumysshylar men sheteldik jumysshylar arasyndaǵy eńbekaqanyń aıyrmashylyǵyna baılanysty narazylyq jıi bolatyn elimizdiń Batysyndaǵy munaı salasy sektoryna tikeleı qatysty. Alaıda Tengızshevroıldyń keıbir merdigerleri aımaqtaǵy jaǵdaıdy ýshyqtyrý úshin qasaqana jaǵdaıdy qıyndatýǵa baratyn syńaıly.
Sondaı bir merdiger retinde «Senimdi Qurylys» JShS aıtýǵa bolady, ol AQSh pen Túrkııa rezıdentterine tıesili. Dál osy kompanııa TShO-men qurylys jasaý, jóndeý jumystaryn júrgizý jáne ózge de qyzmet túrlerin kórsetý boıynsha kelisim jasaıdy. Artynsha «Senimdi Qurylys» sýbpodrıad ókilderimen kelisim jasap, jumysshylar tobyn tarta otyryp otandyq qyzmet retinde jumysqa kirisedi. Sondaı merdiger kompanııanyń biri, kishi jáne orta kásip ókili sanalatyn «Asia Operating Corporation» (AOS) kompanııasy. 2016 jyldyń 1 qazanynda «Senimdi qurylyspen» kelisim jasap, biraqty negizde qyzmetkerlerge saǵatyna 2121 men 3144 teńge, nemese orta eseppen 6 dollar tóleýge kelisken bolatyn (2016 jyly 1 dollar 353,70 teńgege teń edi, al 2019 jyly 385,76 tengeni qurady).
«Tym tómen baǵa berse de, AOS usynylǵan kelisimge kóndi, sebebi jumysshylarǵa jumys taýyp berý qajet boldy. Osy kelisim boıynsha biz 2016 men 2019 jyldary jumys istedik», - deıdi JShS dırektory Ǵalymbek Mýsın. Ol 2121 teńgeniń ishine tek qana aılyq emes, sonymen birge turý aqysy, tamaqtandyrý, nysandarǵa jetkizý jáne taǵy basqa kirgenin aıtady.
«Óte tómen baǵa berilgendikten, meniń kompanııa úlken shyǵynǵa ushyrap, shynaıy negizde bankrottyq jaǵdaıǵa tap boldy. Osy baǵamen biz jalaqy tóledik, meıram kúnderi de osy qarjydan ústeme berdik, turý men tamaqtandyrý aqysyn ótedik, arnaıy kıimdi de osy qarjydan aldyq», - deıdi Mýsın.
Onyń sózinshe «Senimdi Qurylys» shyǵyndardyń birshamasyn jabatynyn aıtqan. Alaıda 2019 jyly kelisimdi úzip, ýádelerin oryndamaǵan. Merdiger men qosalqy merdiger arasynda kelisim bar, kelisilgen qarjy tólendi, taraptar eki jaqqa ketse bolady deıtin shyǵarsyz. Alaıda bul jaǵdaıda taǵy bir shıkilik bar. TShO óz jobalaryna tartylǵan jumysshylardy qamtamasyz etý úshin qarjy bóledi, merdigerdiń barlyq shyǵynyn óteıdi, onyń ishine «Senimdi Qurylys» JShS da kiredi. Demek, sheteldik merdiger TShO-dan alǵan barlyq qarjyny jumysshylarǵa berýi mindetti. Ǵalymbek Mýsınniń qolyna bas kelisim qushaty túsken, onda sýbpodrıadqa «Senimdi Qurylys» tóleýi tıis barlyq shyǵyn men qarjy taıǵa tańba basqandaı jazylǵan. Onda jumysshylardyń saǵatyna 5,7 dollar emes, 15,66 dollar tóleýi tıis dep kórsetilgen, bul o bastaǵy kelisimnen úsh ese kóp degen sóz. Mýsınniń esepteýi boıynsha «Asia Operating Corporation» JShS tórt jyldyń ishinde 390 mıllıon teńgeden qaǵylǵan. Al eń basty suraq, «Senimdi Qurylys» ıeleri bolyp tabylatyn Túrkııa men AQSh azamattary ol qarjyny qaıda jiberdi?
«Nege «Senimdi Qurylys» óz qosalqy merdiger (sýbpodrıad) ókilderine kóńilge óonymdy qarjy bermeıdi, onyń ishinde meniń kompanııama da? Aqsha qaıda ketip jatyr? Men sııaqtylar óte kóp. Eger shyn sanaıtyn bolsaq, onda bul orasan qarjy», - deıdi kásipker.
Barlyq dáleldemeler men esepteýlerdi jınaqtap, Senimdi Qurylys 120 mlrd teńgege jýyq qarjyny shekara asyryp jiberýi múmkin degen hatty Ǵalymbek Mýsın el prezıdentine de, Atyraý oblysy ákimdigi men Májilis jáne Senat spıkerlerine de, Bas Prokýrorǵa da jáne ózge de organdarǵa jibergen, alaıda birde bir tergeý men zertteý jumystary bastalmaǵan. Kásipkerge atalmysh másele boıynsha sotqa júginińiz degennen basqa mardymdy jaýap kelmepti. Ózi qol qoıǵan kelisimsharttyń baryn jaqsy túsinetin Mýsın, sotty jeńe almaıtynyn biledi. Alaıda shynaıy jaǵdaıǵa qaraıtyn bolsaq, qazaqstandyq jumysshylar laıyqty qarjy alýǵa tıis sátte tıyn-teben alyp kelgen, al tapsyrys berýshi bar bolǵany aldap ketken.
"Adyrna" ulttyq portaly
