قاراعاندى وبلىسى بالقاش قالاسىنىڭ تۇرعىندارى جاڭادان قۇرىلاتىن ۇلىتاۋ وبلىسىنا قوسىلۋعا قارسى. ولار ءتيىستى پەتيتسيانى egov.press سايتىندا جاريالادى، دەپ حابارلايدى "ادىرنا" ۇلتتىق پورتالى.
بەس كۇن ىشىندە پەتيتسياعا 10 مىڭنان استام ادام قول قويدى. 9359 ادام قوسىلۋعا قارسى بولسا، 667 ادام قولدادى.
ء"بىز بالقاشتىڭ قاراعاندى وبلىسىندا قالۋىن سۇرايمىز. ويتكەنى، جەزقازعان تىم الىس. قالا قاراعاندى وبلىسىنا قوسىلعاننان كەيىن دامي باستادى", - دەلىنگەن پەتيتسيادا.
بالقاشتىقتار «ەگەر قالامىز ورتالىعى جەزقازعان دەپ بەكىتىلگەن جاڭا وبلىسقا جاتقىزىلسا، مەملەكەتتىك مەكەمەلەرگە، سونىڭ ىشىندە اۋرۋحانالارعا بارۋ ءۇشىن ۇزاق جول جۇرۋگە تۋرا كەلەدى» دەپ الاڭداۋلى. 1997 جىلدىڭ مامىر ايىنا دەيىن بالقاش جەزقازعان وبلىسىنا قارادى.
ەستەرىڭىزگە سالا كەتەيىك، پرەزيدەنت توقاەۆ 16 ناۋرىزدا پارلامەنت پالاتالارىنىڭ بىرلەسكەن وتىرىسىندا قازاقستاندا جاڭا ءۇش وبلىستىڭ قۇرىلعانىن مالىمدەدى. جاڭا اكىمشىلىك بىرلىكتەرىنىڭ شەكارالارى ءالى انىقتالعان جوق.
"ادىرنا" ۇلتتىق پورتالى
