تاۋىق ەتىنىڭ سالمونەللو ۆيرۋسىن جۇقتىرۋى تاسىمالداۋ مەن ساقتاۋ ەرەجەلەرىن بۇزۋ سالدارىنان ورىن الۋى مۇمكىن، دەپ حابارلادى اقمولا وبلىسىنىڭ دەنساۋلىق ساقتاۋ باسقارماسى.
سولتۇستىك قازاقستان وبلىسىنىڭ سانيتارلىق دارىگەرلەرى جۇقپالى اۋرۋدى جۇقتىرعان تاۋىق ەتىن انىقتاعان بولاتىن.
رەسەي جانە اقمولا وبلىسىنىڭ «CAPITAL PROJECTS LTD» جشس وندىرەتىن «كۋروچكا ريابا» برويلەر تاۋىق سورپاسى مەن تاۋىق ەتىنىڭ مۇزداتىلعان جيىنتىقتارىنان سالمونەللا ۆيرۋسى تابىلعان. ساراپتاما ناتيجەسى ءتۇرلى كومپانيالاردان ىرىكتەپ الىنعان 41 سىنامانىڭ تورتەۋىنەن سايكەسسىزدىكتەر انىقتادى. سونداي-اق، تاۋىق ەتىن وندىرەتىن پەتروپاۆل قالاسىنداعى «كرىلوۆ يپ» كومپانياسىنىڭ قاۋىپتى ەت جەتكىزۋشى ءوندىرۋشى ەكەنى بەلگىلى بولدى.
وسىدان كەيىن “سapital projects LTD” جشس «كۋروچكا ريابا» برەندىمەن تاۋىق ەتىن وندىرەتىن كومپانيالاردىڭ ۇستىنەن جوسپاردان تىس تەكسەرۋ جۇرگىزىلدى.
«سانيتارلىق-ەپيدەميولوگيالىق زەرتتەۋلەرگە سايكەس، سالمونەللو ۆيرۋسى انىقتالمادى. كومپانياسانيتارلىق تالاپتاردى بۇزباعان. ازىق-تۇلىك ونىمدەرىنىڭ بۇزىلۋ سەبەبى كوتەرمە جەتكىزۋشىلەر جانە ساۋدا نۇكتەلەرىنىڭ ءونىمدى دۇرىس تاسىمالداماۋىنان نەمەسە دۇرىس ساقتاماۋىنان بولۋى مۇمكىن»، – دەدى مينيستر.
____________________________________________________________________________________________________________________
stan.kz
