فينليانديا بەسىنشى رەت World Happiness Report رەيتينگىندە الەمدەگى ەڭ باقىتتى ەل اتاندى. ال قازاقستان بۇل تىزىمدە 40-ورىنعا تابان تىرەدى.
الەمنىڭ ەڭ باقىتتى 10 ەلىنىڭ قاتارىنا دانيا، يسلانديا، شۆەيتساريا، نيدەرلاندى، ليۋكسەمبۋرگ، شۆەتسيا، نورۆەگيا، يزرايل جانە جاڭا زەلانديا كىردى. اقش 16-شى ، ۇلىبريتانيا 17-ءشى، فرانتسيا 20-شى ورىننان كورىندى.
بۇرىنعى كسرو ەلدەرى دە World Happiness Report رەيتينگىنە ەندى: ليتۆا (34), ەستونيا (36), قازاقستان (40), لاتۆيا (42), وزبەكستان (53), مولدوۆا (62), قىرعىزستان (64), بەلارۋس (65), تۇركىمەنستان (78), رەسەي (80), ارمەنيا (82), تاجىكستان (83-), ءازىربايجان (92), ۋكراينا (98), گرۋزيا (105).
ال اۋعانستان مەن ليۆان الەمدەگى ەڭ باقىتسىز ەل اتاندى.
ايتا كەتەيىك، World Happiness Report رەيتينگىندە الەمنىڭ 146 ەلى باعالانادى جانە ءومىر ءسۇرۋ ۇزاقتىعى، الەۋمەتتىك قولداۋ، سىبايلاس جەمقورلىق سىندى فاكتىلەر ەسكەرىلدى.
