جەرگە قاتىستى وبلىستىق ارحيۆتەگى قۇجاتتار جوق بولىپ شىقتى
مىناۋ جاعدايعا زاڭگەرلەر نە ايتار ەكەن...
سىزدەرگە جەر داۋى بويىنشا اقپاراتتار لەگىن تاعى دا ۇسىنامىن. ءبىزدىڭ التىنتوبە اۋىلى وكرۋگىندەگى جەر داۋىمەن اينالىسىپ جاتقانىمىزعا 5-ءشى ايعا جۋىقادى. ءبىز قازىر سوتپەن دە، وتپەن دە، پروكۋراتۋرامەن دە، اكىمدىكپەن دە الىسىپ ءجۇرمىز.
2010 جىلى التىنتوبە اۋىلى وكرۋگىنىڭ 17000 گەكتارعا جۋىق جەر تەلىمدەرىن قازىعۇرت اۋداندىق اكىمدىگى "وڭتۇستىك" الەۋمەتتىك كاسىپكەرلىك كورپوراتسياسى اكتسيونەرلىك قوعامىنا حالىقتىڭ كەلىسىمىنسىز-اق تابىستاپ جىبەرگەن. حالىقتىڭ جەرىن كورپوراتسياعا قۇقىقتىق تابىستاۋدا اۋدان اكىمدىگى № 153 قاۋلىنى شىعارعان. بىزگە سوتقا كەرەكتى قۇجاتتاردىڭ ىشىندەگى ەڭ نەگىزگى قۇجات - وسى № 153 قاۋلى مەن قاۋلىعا نەگىز بولعان قوسىمشا قۇجاتتاردى الدىرتۋ ءۇشىن اۋدان اكىمدىگىنە، اۋداندىق جەر قاتىناستارى باسقارماسىنا، تۇركىستان وبلىستىق ارحيۆىنە سۇرانىم حات بەرگەنبىز. التىنتوبەنىڭ جەرىن كورپوراتسياعا وتكىزگەن قۇجاتتار وبلىستىق ارحيۆتە جوق بولىپ شىقتى. مۇنى سوت بولادى دەگەن سوڭ قاي شۇڭقىرعا تىعىپ وتىرعانى بىزگە بەلگىسىز. ەلدىڭ مۇددەسىنە قاتىستى قۇجاتتارعا قر كونستيتۋتسياسىنا ساي سۇرانىم بەرىپ وتىرمىز. قۇجاتتاردى جاسىرۋ قىلمىستىق جاۋاپكەرشىلىككە الىپ كەلەدى. حالىق 30 جىل بويى جەرىنە يە بولا الماي كەلەدى. سوندىقتان وكرۋگتە داۋ-داماي، توبەلەس توقتاماي، اسقىنىپ جاتىر.
زاڭ بويىنشا اۋدانداعى قۇجاتتار 5 جىلدىڭ ىشىندە وبلىستىق ارحيۆتەرگە تاپسىرىلادى. بىراق، ءبىز سۇراتىپ وتىرعان № 153 قاۋلىنىڭ وبلىستىق ارحيۆتە 1-ءشى بەتى عانا بار، ال جەردى تابىستاپ، اكىمشىلىك قىزمەتكەرلەرى قول قويعان بەتى مەن قاۋلىنىڭ شىعۋىنا نەگىز بولعان قوسىمشا قۇجاتتار جوق بولىپ شىقتى. ءارحيۆتى اۋداردىق، بىراق قۇجاتتار جوق. ارحيۆتەگى قىزمەتكەرلەر ەكى كۇن بويى ىزدەدى. بىراق قۇجاتتار تابىلمادى.
التىنتوبەدە 10 مىڭعا جۋىق حالىق بىزگە قاراپ وتىر. ەگەر دە وبلىستىق ارحيۆ قاۋلىنى جاسىرىپ وتىرسا، قىلمىستىق جاۋاپكەرشىلىككە تارتىلادى. 10 مىڭ ادامنىڭ مۇددەسى ءجاي عانا تىرلىك ەمەس، جاۋاپكەرشىلىگى اۋىر تىرلىك. ەل مەن حالىقتىڭ مۇددەسىنە قاجەتتى ارحيۆتەگى قۇجاتتى جاسىرۋ قىلمىس بولىپ تابىلادى.
"ادىرنا" ۇلتتىق پورتالى
