الماتى مارافونىنا 14 مىڭنان استام ادام قاتىسۋدا

1797
Adyrna.kz Telegram

الماتىدا اۋەسقويلار اراسىندا بۇقارالىق سيپاتتاعى قايىرىمدىلىق سپورت شاراسى وتۋدە. بۇل شارا وسىمەن جەتىنشى رەت وتكىزىلىپ وتىر.

«2018 جىلى الدىمىزعا ءۇش قايىرىمدىلىق ماقسات قويىلعان. بۇل - «مەن سەنىمەن بىرگەمىن» ونكولوگيالىق اۋرۋى بار بالالارعا ارنالعان العاشقى حوسپيس. مۇندا اۋىر ناۋقاسقا شالدىققان بالالار مەديتسينالىق كۇتىمگە الىنىپ، تۋىستارىنىڭ جانىندا رۋحاني جانە پسيحولوگيالىق كومەككە قول جەتكىزەدى. سونىمەن قاتار ەكى بىردەي ارنايى (كوررەكتسيالىق) مەكەمە، ينتەللەكتۋالدىق كەمىستىكتەرى بار بالالارعا ارنالعان مەكتەپ-ينتەرنات پەن ەسىك قالاسىنداعى كوزى ناشار بالالارعا ارنالعان №6 مەكتەپ-ينتەرنات. العاشقى جينالعان جارنالىق قارجىعا سپورت الاڭدارى سالىنادى»، - دەدى «الماتى مارافوننىڭ» ديرەكتورى سالتانات قازىباەۆا.

بيىلعى مارافوننىڭ جۇلدە قورى 1,9 ملن تەڭگە. قاشىقتىقتى اياقتاعان بارلىق قاتىسۋشىلارعا مەدال تاپسىرىلادى. ال الىس قاشىقتىقتىڭ  جەڭىمپازدارى مەدال مەن قاتار اقشالاي سىيلىققا يە بولادى.

مارافونعا بايلانىستى بىرقاتار كوشەلەردەگى قوزعالىس ۋاقىتشا توقتاتىلدى، كوشەلەردەگى قوزعالىس ساعات 14:30-دا قالپىنا كەلەدى.


قازاقپارات اگەنتتىگى

 

 

پىكىرلەر