قر سىرتقى ىستەر مينيسترلىگىنەن دەپۋتات زيۋگانوۆتىڭ مالىمدەمەسىنە بايلانىستى رەسمي نارازىلىق بولمايدى.
بۇل تۋرالى سىرتقى ىستەر ءمينيسترى مۇحتار تىلەۋبەردى:
“بۇل ۆيدەو ەكى ايدان كەيىن پايدا بولىپ وتىر، جانە ۋكراينا-رەسەي اراسىنداعى قاقتىعىس كەزىندە پايدا بولۋى كەزدەيسوق ەمەس. قارۋلى اسكەري قاقتىعىس جاھاندىق اقپاراتتىق كەڭىستىكتەگى كۇرەستىڭ شيەلەنىسۋىمەن قاتار جۇرەتىنىن جانە بۇل ءبىزدىڭ قازاقستاننىڭ اقپاراتتىق كەڭىستىگىن دە قامتيتىنىن ءتۇسىنۋ كەرەك”.
“زيۋگانوۆ ءوزىن قازىرگى ۇكىمەتكە وپپوزيتسيالىق پارتيا رەتىندە تانىتاتىن رەسەي فەدەراتسياسىنىڭ كوممۋنيستىك پارتياسىنىڭ جەتەكشىسى. وپپوزيتسيا، وزدەرىڭىز بىلەتىندەي، ارقاشان قازىرگى بيلىكتىڭ رەسمي ۇستانىمىنان ەرەكشەلەنەتىن، ءتىپتى قايشى كەلەتىن پىكىردى ۇستانادى. ونىڭ ۇستىنە زيۋگانوۆتىڭ ءسوزىن رەسەيدىڭ بىردە-ءبىر ارناسى كورسەتكەن جوق. پرەزيدەنتىمىزدىڭ ماسكەۋگە جۇمىس ساپارى بارىسىندا رەسەيدىڭ قازاقستانعا اۋماقتىق تالاپتارى جوق ەكەنى راستالدى”،- دەدى سىرتقى ىستەر ءمينيسترى.
“ادىرنا” ۇلتتىق پورتالى
