قاسىم-جومارت توقاەۆ مىرزا!
ۋكراينادا 2 مىڭعا جۋىق قازاقستاندىق ازامات تۇرادى.
ولاردى شۇعىل تۇردە وتانىمىزعا ەۆاكۋاتسيالاۋ قاجەت.
قازىر ۋكراينا اۋە كەڭىستىگى جابىق ەكەنى امبەگە ايان. دەسە دە ورايى كەلسە وتانداستىرىمىزدى قاۋىپسىز جەرگە كوشىرىلۋىن قامتاماسىز ەتكەن ءجون.
سوڭعى جىلدارى نازارباەۆتىق رەجيمگە قارسى شىعىپ، ساياسي قۋدالاۋعا تۇسكەن ساياسي كۇرەسكەرلەر ۋكراينانى پانالاۋعا ءماجبۇر بولدى.
سولاردىڭ ءبىرى، “جاڭا قازاقستان” قۇرىلدى” دەپ جۋىردا ۋكراينادان ۇشىپ كەلگەن ەرمەك نارىمباي اۋەجايدان وتاندىق تۇرمەگە توپ ەتە قالدى. وكىنىشكە قاراي، ءالى كۇنگە سوندا جاتىر. وسى ءبىر فاكتىگە سۇيەنىپ ەلگە قايتا الماي جۇرگەن وتانداستىرىمىز بار شىعار.
سوعىس بولىپ جاتقان ايماقتاعى قازاقستاندىق ساياسي كۇرەسكەرلەردىڭ تاعدىرىنا بەيجاي قاراماۋىڭىزدى وتىنەمىن. نازارباەۆ رەجيمىنە قارسى شىققان ازاماتتار - جەمقور، تەرروريست، قىلمىسكەر ەمەس! ولاردىڭ كوبى - ادىلدىك پەن دەموكراتيانىڭ جاقتاۋشىلارى.
ازاماتتارىمىزدىڭ ەلگە قايتاۋىنا جاعداي جاساڭىز. تيىسپەڭىز، قايتا ەلگە شاقىرىپ، ىزگىلىك تانىتىڭىز!
قازاقستاندا شىنايى ساياسي جىلىمىق بارىن دالەلدەڭىز! ساياسي رەفورمانىڭ باستاۋىن - شەت ەلدەرگە ىدىراپ كوشىپ كەتكەن ءاربىر كۇرەسكەر قازاقتى اقتاۋدان باستاڭىز!
دينا ەلگەزەك
