«الەۋمەتتىك كەرنەۋلىكتى ۇدەتەتىن كوشى-قون باعدارلامالاردى توقتاتىپ، قازاقستانعا ناعىز قاجەتتى مامانداردىڭ كوشۋىن ىنتالاندىرۋعا اۋىساتىن كەز كەلدى» - دەگەن د.اشيمباەۆتىڭ سوزىنە «وتانداستار قورى» كەاق اقپاراتتىق تالداۋ دەپارتامەنتىنىڭ باسقارۋشى ديرەكتورى نۇرحان جاليەۆ ءوز فەيسبۋك پاراقشاسىندا پىكىر ءبىلدىردى.
«وتانداستار قورى» كەاق ءباسپاسوز قىزمەتى
فەيسبكۋ پاراقشاسىنان: «الەۋمەتتىك كەرنەۋلىكتى ۇدەتەتىن كوشى-قون باعدارلامالاردى توقتاتىپ، قازاقستانعا ناعىز قاجەتتى مامانداردىڭ كوشۋىن ىنتالاندىرۋعا اۋىساتىن كەز كەلدى» - دەيدى د.اشيمباەۆ (https://turanpress.kz/regiony/zhanaozenskiy-tupik-2).
قازاقستاننىڭ كوشى-قون ساياساتىنىڭ 2007-2015 جىلدارعا ارنالعان تۇجىرىمداماسى ىرىكتەمەلى كوشى-قوندى قالىپتاستىرۋ قاعيداسىنا نەگىزدەلگەن بولاتىن. وسىنداي تۇجىرىمداما 2017-2021 جىلدارعا دا قابىلدانعان. «ىرىكتەمەلى» قاعيداسى د.اشيمباەۆ ايتىپ وتىرعان «ناعىز قاجەتتى مامانداردى» تارتۋ دەگەندى بىلدىرەدى.
ەكى بىردەي باعدارلامانىڭ ماقساتى ەلدىڭ ۇلتتىق بىرەگەيلىگى مەن قاۋىپسىزدىگىن ساقتاۋ جانە دامىتۋ شەڭبەرىندە كوشى-قون اعىندارىنىڭ تەرىس سالدارلارىن ازايتۋ بولاتىن.
نە وزگەردى؟ «ىرىكتەمەلى كوشى-قون ساياساتى» قانشا مىقتى ماماندى اكەلدى قازاقستانعا؟ بىلەتىندەر بولسا تىزبەكتەپ بەرىڭىزدەرشى.
بۇل باعدارلامالار تۋرالى جانە ولاردىڭ ناتيجەلەرى جايىندا د.اشيمباەۆ مىرزانىڭ ەستۋى بارما ەكەن؟
مەنىڭ بىلەتىنىم قازاقستانعا كەلگەن رەپاتريانتتار اعىنى 2005-2009 جىلدارى ءار جىل سايىن ورتا ەسەپپەن 60 مىڭ ادامدى قۇراعان بولسا، 2012-2019 ج.ج. رەپاتريانتتار لەگى جىلىنا ورتا ەسەپپەن
10 مىڭ ادامعا دەيىن تومەندەگەن.
ال 1991-2018 ج.ج. كەزەڭىندە قازاقستاننان ەميگراتسياعا كەتكەندەر سانى 3,7 ملن ادامنان اسقانىن ەسكەرەتىن بولساق، وندا ەلىمىزدىڭ دەموگرافيالىق بولاشاعى مۇلدەم تۇنەرىڭكى بولىپ كورىنەرى ءسوزسىز.
سوڭعى جىلدارى قازاقستانعا كەلۋشىلەر سانى مەن كەتۋشىلەر سانىنىڭ تەرىس ايىرما سالدوسى جىلىنا 30 مىڭ ادامنىڭ ۇستىنە شىقتى.
بۇل دەگەنىمىز 10 جىل سايىن پاۆلودار نەمەسە قوستاناي سياقتى ءبىر قالامىزدان ايىرىلىپ وتىراتىنىمىزدى بىلدىرەدى.
قازاقستان تەرريتورياسى يسپانيا، فرانتسيا، انگليا، يتاليا، گەرمانيا، پولشا، ۋكراينا سياقتى ەۋروپانىڭ كولەمى بويىنشا ەڭ ءىرى 7 مەملەكەتىنىڭ اۋماعىنا تەپە-تەڭ.
وسىنداي اۋماقتا ەۋروپادا 400 ميلليوننان استام حالىق تۇرادى.
د.اشيمباەۆ سياقتى ساراپشىلاردىڭ پىكىرىنشە وسى 7 مەملەكەتتىڭ تەرريتورياسىمەن پارا پار قازاقستانعا 19 ملن حالىق كوپ بولىپ كورىنۋدە.
كەيبىر ساراپشىلاردىڭ پىكىرلەرىنە سايكەس شەت ەلدەردە 7-8 ملن قازاق تۇرادى.
دەموگرافيالىق اسپەكتىدە بۇل ۇلكەن الەۋەت.
وسى رەسۋرستى ءبىز دۇرىس پايدالانۋدامىز با؟
