«Äleumettık kerneulıktı üdetetın köşı-qon baǧdarlamalardy toqtatyp, Qazaqstanǧa naǧyz qajettı mamandardyŋ köşuın yntalandyruǧa auysatyn kez keldı» - degen D.Aşimbaevtyŋ sözıne «Otandastar qory» KeAQ Aqparattyq taldau departamentınıŋ basqaruşy direktory NŪRHAN JALİEV öz feisbuk paraqşasynda pıkır bıldırdı.
«OTANDASTAR QORY» KEAQ BASPASÖZ QYZMETI
Feisbku paraqşasynan: «Äleumettık kerneulıktı üdetetın köşı-qon baǧdarlamalardy toqtatyp, Qazaqstanǧa naǧyz qajettı mamandardyŋ köşuın yntalandyruǧa auysatyn kez keldı» - deidı D.Aşimbaev (https://turanpress.kz/regiony/zhanaozenskiy-tupik-2).
Qazaqstannyŋ Köşı-qon saiasatynyŋ 2007-2015 jyldarǧa arnalǧan tūjyrymdamasy ırıktemelı köşı-qondy qalyptastyru qaǧidasyna negızdelgen bolatyn. Osyndai tūjyrymdama 2017-2021 jyldarǧa da qabyldanǧan. «Irıktemelı» qaǧidasy D.Aşimbaev aityp otyrǧan «naǧyz qajettı mamandardy» tartu degendı bıldıredı.
Ekı bırdei baǧdarlamanyŋ maqsaty eldıŋ ūlttyq bıregeilıgı men qauıpsızdıgın saqtau jäne damytu şeŋberınde köşı-qon aǧyndarynyŋ terıs saldarlaryn azaitu bolatyn.
Ne özgerdı? «Irıktemelı köşı-qon saiasaty» qanşa myqty mamandy äkeldı Qazaqstanǧa? Bıletınder bolsa tızbektep berıŋızderşı.
Būl baǧdarlamalar turaly jäne olardyŋ nätijelerı jaiynda D.Aşimbaev myrzanyŋ estuı barma eken?
Menıŋ bıletınım Qazaqstanǧa kelgen repatrianttar aǧyny 2005-2009 jyldary är jyl saiyn orta eseppen 60 myŋ adamdy qūraǧan bolsa, 2012-2019 j.j. repatrianttar legı jylyna orta eseppen
10 myŋ adamǧa deiın tömendegen.
Al 1991-2018 j.j. kezeŋınde Qazaqstannan emigrasiiaǧa ketkender sany 3,7 mln adamnan asqanyn eskeretın bolsaq, onda elımızdıŋ demografiialyq bolaşaǧy müldem tünerıŋkı bolyp körınerı sözsız.
Soŋǧy jyldary Qazaqstanǧa keluşıler sany men ketuşıler sanynyŋ terıs aiyrma saldosy jylyna 30 myŋ adamnyŋ üstıne şyqty.
Būl degenımız 10 jyl saiyn Pavlodar nemese Qostanai siiaqty bır qalamyzdan aiyrylyp otyratynymyzdy bıldıredı.
Qazaqstan territoriiasy İspaniia, Fransiia, Angliia, İtaliia, Germaniia, Polşa, Ukraina siiaqty Europanyŋ kölemı boiynşa eŋ ırı 7 memleketınıŋ aumaǧyna tepe-teŋ.
Osyndai aumaqta Europada 400 millionnan astam halyq tūrady.
D.Aşimbaev siiaqty sarapşylardyŋ pıkırınşe osy 7 memlekettıŋ territoriiasymen para par Qazaqstanǧa 19 mln halyq köp bolyp körınude.
Keibır sarapşylardyŋ pıkırlerıne säikes şet elderde 7-8 mln qazaq tūrady.
Demografiialyq aspektıde būl ülken äleuet.
Osy resursty bız dūrys paidalanudamyz ba?
