قازىرگى ۋاقىتتا مەملەكەتتىك ءتىلدى بىلمەيتىن ادامداردى "ا" جانە "ب" كورپۋستارى لاۋازىمدارىنا تاعايىنداۋ زاڭ بويىنشا شەكتەلمەگەن.
"ا" جانە "ب" كورپۋسىنىڭ لاۋازىمىنا ۇمىتكەرلەرگە مەملەكەتتىك ءتىلدى مەڭگەرۋ دەڭگەيى بويىنشا تالاپ جوق.
بۇل تۋرالى قر مەملەكەتتىك قىزمەت ىستەرى اگەنتتىگى (مقىا)مالىمدەدى، دەپ حابارلايدى “ادىرنا” ۇلتتىق پورتالى.
Total.kz سايتىنىڭ مالىمەتىنشە، ۆەدومستۆودا "قر مەملەكەتتىك قىزمەتى تۋرالى" زاڭنىڭ 26-بابىنىڭ 1-تارماعىنا سايكەس "ب" كورپۋسىنىڭ لاۋازىمىنا ۇمىتكەرلەر مەملەكەتتىك ءتىل بويىنشا تەستىلەۋدەن وتەتىنىن ەسكە سالدى.
مەملەكەتتىك ءتىل بويىنشا تەستىلەۋ شەكتى ءمانى جوق 20 لەكسيكالىق-گرامماتيكالىق سۇراقتان تۇرادى.
قازىرگى ۋاقىتتا "ب"كورپۋسىنىڭ لاۋازىمىنا ءۇمىتتى ادامدارعا مەملەكەتتىك ءتىلدى مەڭگەرۋ دەڭگەيى بويىنشا ەشقانداي تالاپ جوق.
مىسالى، مەملەكەتتىك ءتىل بويىنشا تەستىلەۋ قورىتىندىسى 0 بالل بولسا ول كانديدات ىرىكتەۋدىڭ كەلەسى كەزەڭىنە وتە بەرەدى.
مەملەكەتتىك قىزمەت تۋرالى زاڭنىڭ 23-بابىنا سايكەس "ا" كورپۋسىنىڭ لاۋازىمىنا تاعايىنداۋ كونكۋرسسىز جۇزەگە اسىرىلاتىنىن قوسىمشا اتاپ وتەمىز. وسىعان بايلانىستى "ا" كورپۋسىنىڭ لاۋازىمىنا ۇمىتكەرلەر تەستىلەۋدەن، ونىڭ ىشىندە مەملەكەتتىك ءتىل بويىنشا تەستىلەۋدەن وتپەيدى.
لاۋازىمدى ورىندارعا ۇمىتكەرلەر ادامدارعا مەملەكەتتىك ءتىلدى مەڭگەرۋ دەڭگەيى بويىنشا ناقتى ءبىر جۇيەلى تالاپ جوق.
سونىمەن قاتار، "قازتەست" جانە "QazaqResmiTest" سەرتيفيكاتتارىنىڭ ورتا دەڭگەيدەن (ۆ1) تومەن بولماۋى تۋرالى تالاپ 2021 جىلى پرەزيدەنتتىك جاستار كادرلىق رەزەرۆىنە ىرىكتەۋ كەزىندە قولدانىلدى. بۇل تەستىلەر تىڭدالىم، لەكسيكا جانە ورفوگرافيا، حات جانە سۇحبات سياقتى بلوكتاردان تۇرادى (انىقتاما رەتىندە: ا1 — قاراپايىم دەڭگەي، ا2 — ورتادان تومەن، ۆ1 — ورتاشا، ۆ2 — ورتاشا-ىلگەرى، س1 — ىلگەرى، س2 — ەركىن مەڭگەرۋ).
ۆەدومستۆودا ءتىل ساياساتىن ىسكە اسىرۋ جونىندەگى مەملەكەتتىك باعدارلاما (ۇكىمەتتىڭ 2019 جىلعى 31 جەلتوقسانداعى № 1045 قاۋلىسى) شەڭبەرىندە مقىا 2025 جىلعا دەيىن "قازتەست" جۇيەسى بويىنشا "ب" كورپۋسىنىڭ لاۋازىمىنا ۇمىتكەرلەردى شەكتى ماندەردى بەلگىلەي وتىرىپ تەستىلەۋدى ەنگىزۋ تاپسىرىلعانىن اتاپ ءوتتى.
"اتالعان تاپسىرمانى ىسكە اسىرۋ زاڭناماعا تۇزەتۋلەر ەنگىزۋدى تالاپ ەتەدى. وسىعان بايلانىستى ءتيىستى تۇزەتۋ مەملەكەتتىك قىزمەتتى جەتىلدىرۋ ماسەلەلەرى جونىندەگى زاڭ جوباسىنا ەنگىزىلدى. قازىرگى ۋاقىتتا زاڭ جوباسىن مەملەكەتتىك ورگاندار قاراستىرۋدا", - دەلىنگەن حاتتا.
ايتا كەتەيىك، مقىا-دا مەملەكەتتىك ءتىلدى مەڭگەرۋدىڭ قانداي دەڭگەيى انىقتالدى دەگەن سۇراققا ۇلتتىق ەكونوميكا ەكس – ءمينيسترى، ال قازىرگى-قر ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى اسەت يرعاليەۆ، قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەك، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ نەمەسە قر مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى اينۇر سەرعازيەۆا جاۋاپ بەرە المادى.
“ادىرنا” ۇلتتىق پورتالى
