14 جاستاعى قىزدى زورلاماق بولعان زەينەتكەر ۇستالدى

1616
Adyrna.kz Telegram

الماتى وبلىسىندا 14 جاستاعى قىز بالاعا قىسىم جاساپ، ارام ويىن ىسكە اسىرماق بولعان كۇدىكتى ۇستالدى. ول الماتى قالاسىنىڭ 62 جاستاعى تۇرعىنى بولىپ شىقتى، - دەپ حابارلايدى ”ادىرنا” ۇلتتىق پورتالى "الماتى" ارناسىنا سىلتەمە جاساپ.

اتالعان فاكت بويىنشا ءوتىنىش پوليتسياعا 15 اقپاندا تۇسكەن. قاراساي اۋدانىندا جۇرگىزىلگەن جەدەل-ىزدەستىرۋ شارالارى ناتيجەسىندە كۇدىكتى دەگەن ەر ادام ۇستالدى.

وبلىستىق پوليتسيا دەپارتامەنتىنىڭ مالىمەتىنشە، ول - الماتى قالاسىنىڭ 62 جاستاعى تۇرعىنى. سونداي-اق ونىڭ جەڭىل كولىكتى ماس كۇيىندە باسقارعانى بەلگىلى بولدى.

قازىر كۇدىكتىگە قاتىستى ءىس قوزعالىپ، ءىستىڭ ءمان-جايى تەرگەلىپ جاتىر.

"اۆتوكولىكتى ماس كۇيىندە باسقارعانى ءۇشىن جۇرگىزۋشى 15 تاۋلىككە قاماۋعا الىنىپ، 7 جىل مەرزىمگە جۇرگىزۋشى كۋالىگىنەن ايىرىلدى. سونىمەن قاتار، ۇستالعان ازاماتقا قاتىستى قر قك 124-بابى بويىنشا قىلمىستىق ءىس تىركەلدى. ءىستىڭ ءمان-جايىن تولىقتاي انىقتاۋ ماقساتىندا تەرگەۋ ارەكەتتەرى جۇرگىزىلىپ جاتىر", - دەدى پد ءباسپاسوز قىزمەتىنىڭ رەسمي وكىلى ءابىلتاي ابەنوۆ.

“ادىرنا” ۇلتتىق پورتالى

پىكىرلەر