زاڭسىزدىققا جول بەرگەن ەرلان تۇرعىمباەۆ وتستاۆكاعا كەتۋى ءتيىس!
قاڭتار وقيعاسىندا كوپشىلىك حالىق كوشەگە ادىلدىك سۇراپ شىقتى. ولاردىڭ نارازى كوڭىلىن بيلىك ىشىندەگى ەڭ ىقپالدى كلان ءوز مۇددەلەرىنە پايدالانىپ، ارانداتۋشىلىق ارەكەتتى ادەيى ۇيىمداستىردى.
بانديتتەر مەن كەيبىر راديكالدى توپتاردى قولداندى. بىراق ولاردىڭ سانى نارازىلىق تانىتىپ، كوشەگە شىققان بەيبىت حالىقتان الدە قايدا از.
قاڭتار وقيعاسىنىڭ نەگىزگى سەبەبى تەرروريستەر ەمەس، 30 جىلدىق سىرەسكەن جۇيەدەن شارشاعان حالىقتىڭ ادىلدىك سۇراپ شىققان نارازى كوڭىلى. بيلىك وسىنىڭ ارا-جىگىن اجاراتىپ ايتۋى كەرەك.
ميتينگە قاتىسقانداردى تۇرمەدە ۇرىپ، سوعىپ، جانتۇرشىگەرلىك تاسەلدەرمەن ازاپتاعان پوليتسيا قىزمەتكەرلەرىن تۇتقىنداپ، قىلمىستىق جاۋاپقا تارتۋ كەرەك.
ازاپتاۋعا، ءتۇرلى زاڭسىزدىقتارعا جول بەرگەن ءىىم ءمينيسترى ەرلان تۇرعىنباەۆ وتستاۆكاعا كەتۋى ءتيىس.
06.01.2022 جىلى كەشكى ۋاقىتتا “قاراپايىم حالىق تەرروريست ەمەسپىز” دەگەن ۇلكەن جازۋمەن الاڭدا تۇعان بەيبىت حالىققا ەسكەرتۋسىز وق اتىلدى دەگەن شاعىمداردى، دالەلدەردى ءجىتى تەكسەرۋ قاجەت.
دالەلدەنگەن جاعدايدا بەيبىت حالىققا وق اتقانداردىڭ قىلمىستىق جاۋاپقا تارتىلۋى كەرەك. سونداي-اق، 07.01, 08.01.2022 ولتىرىلگەندەردىڭ قانداي جاعدايدا، كىمنىڭ قولىنان قازا تاپقاندارىن انىقتاۋ كەرەك.
اۋىر قىلمىسقا قاتىسى جوق ميتينگىگە قاتىسقانداردىڭ ءبارىن تۇگەلدەي بوستاندىققا شىعارۋ كەرەك.
قايرات جولدىبايۇلى
