اقمولا وبلىسى، شورتاندى اۋدانى، پريگورودنىي اۋىلدىق وكرۋگىنىڭ اكىمى ناتاليا پيستريۋگا جاڭا جىل كەشىندە اۋىل جاستارىن كلۋبتان بەيادەپ سوزدەر ايتىپ، قۋىپ شىققان. بۇل تۋرالى Orda.kz جازدى.
جاڭا جىل كەشىندە ناتاليا لەونيدوۆنا كلۋبتىڭ ەسىگىن اشىپ بەرىپ، ءتارتىپتى قاداعالاۋ ماقساتىندا ءوز قىزىن قالدىرىپ، ءوزى تۋىستارىنا كەتكەن. «ول قوناققا كەتكەن ەدى، سول جاقتان وتە ناشار كوڭىل-كۇيمەن ورالدى. جاستاردى ءوزى ارانداتتى. ءبىزدىڭ اۋىل تۇرعىندارى سابىرلى، انانداي بەيادەپ سوزدەر ايتىلعان ساتتە اشۋلى ادامدار بولسا سول جەردە بولارىن بىلمەيمىن. بۇل ءوز اۋىلداستارىنا دەگەن وسىنداي قاتىناستىڭ العاشقىسى ەمەس. اتالمىش وقيعادان كەيىن ونى جازالاعان جوق. بۇل ادىلەتتى مە؟ باسقا مەملەكەتتىك قىزمەتكەرلەردى قازاقستاندا بىردەن جۇمىستان شىعارىپ جاتادى عوي. ال بۇل بولسا ودان ءارى باسقا شىعۋدا»، – دەيدى اۋىل تۇرعىنى.
ناتاليا پيستريۋگا Orda.kz باسىلىمىنا بەرگەن پىكىرىندە اۋىل تۇرعىندارىنا ءتىل تيگىزگەنى ءۇشىن كەشىرىم سۇراعان.
«اۋىل تۇرعىندارىنىڭ ءوتىنىشى بويىنشا مەن كلۋبتى اشىپ بەرىپ، قىزىمدى ءتارتىپتى قاداعالاسىن دەپ قالدىرىپ كەتتىم. ءوزىم ۇيگە كەتىپ قالدىم. ءبىر ساتتە كلۋب جاقتان ايعاي-شۋدى ەستىدىم. جۇگىرىپ بارسام ىشىندە توبەلەس بولىپ جاتىر، قان-جوسا بولىپتى. مەن ولارعا ۇرسىپ، ولاردى اجىراتا باستادىم، سەبەبى ءبىزدىڭ ءتارتىپ ساقشىمىز 18 شاقىرىم جەردەگى اۋىلدا تۇرادى. مەن بارلىعىن قۋىپ شىققىم كەلدى. سول ساتتە مەنىڭ باسىمدا تەك قانا ءبىر وي بولدى، ول اۋىل تۇرعىندارى اراسىندا تراگەديانى بولدىرماۋ ەدى.ولار ءبىر-ءبىرىن ءولتىرىپ تاستايتىن ەدى»، – دەيدى پيستريۋگا.
"ادىرنا" ۇلتتىق پورتالى
