Aqmola oblysy, Shortandy aýdany, Prıgorodnyı aýyldyq okrýginiń ákimi Natalıa Pıstrıýga Jańa jyl keshinde aýyl jastaryn klýbtan beıádep sózder aıtyp, qýyp shyqqan. Bul týraly Orda.kz jazdy.
Jańa Jyl keshinde Natalıa Leonıdovna klýbtyń esigin ashyp berip, tártipti qadaǵalaý maqsatynda óz qyzyn qaldyryp, ózi týystaryna ketken. «Ol qonaqqa ketken edi, sol jaqtan óte nashar kóńil-kúımen oraldy. Jastardy ózi arandatty. Bizdiń aýyl turǵyndary sabyrly, anandaı beıádep sózder aıtylǵan sátte ashýly adamdar bolsa sol jerde bolaryn bilmeımin. Bul óz aýyldastaryna degen osyndaı qatynastyń alǵashqysy emes. Atalmysh oqıǵadan keıin ony jazalaǵan joq. Bul ádiletti me? Basqa memlekettik qyzmetkerlerdi Qazaqstanda birden jumystan shyǵaryp jatady ǵoı. Al bul bolsa odan ári basqa shyǵýda», – deıdi aýyl turǵyny.
Natalıa Pıstrıýga Orda.kz basylymyna bergen pikirinde aýyl turǵyndaryna til tıgizgeni úshin keshirim suraǵan.
«Aýyl turǵyndarynyń ótinishi boıynsha men klýbty ashyp berip, qyzymdy tártipti qadaǵalasyn dep qaldyryp kettim. Ózim úıge ketip qaldym. Bir sátte klýb jaqtan aıǵaı-shýdy estidim. Júgirip barsam ishinde tóbeles bolyp jatyr, qan-josa bolypty. Men olarǵa ursyp, olardy ajyrata bastadym, sebebi bizdiń tártip saqshymyz 18 shaqyrym jerdegi aýylda turady. Men barlyǵyn qýyp shyqqym keldi. Sol sátte meniń basymda tek qana bir oı boldy, ol aýyl turǵyndary arasynda tragedııany boldyrmaý edi.Olar bir-birin óltirip tastaıtyn edi», – deıdi Pıstrıýga.
"Adyrna" ulttyq portaly
