پارلامەنت ءماجىلىسىنىڭ دەپۋتاتتارى سەناتتىڭ مەملەكەتتىك باستامالارىنا ەلباسىنىڭ ارنايى كەلىسىمىن جويۋ تۋرالى تۇزەتۋلەرمەن ءبىراۋىزدان كەلىستى، دەپ حابارلايدى “ادىرنا” ۇلتتىق پورتالى.
Stan.kz سايتىنىڭ مالىمەتىنشە، 27 قاڭتاردا سەناتورلار ءماجىلىس ماقۇلداعان زاڭناماعا قاۋىپسىزدىك كەڭەسى مەن قحا-نى مەملەكەت باسشىسى باسقاراتىنى جونىندەگى وزگەرىستەردى قابىلداعاە بولاتىن.
زاڭ جوباسىن تالقىلاۋ بارىسىندا سەناتورلار تاعى ءبىر تۇزەتۋ ەنگىزدى.
ولار "قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى" زاڭنان سىرتقى جانە ىشكى ساياساتتىڭ نەگىزگى باعىتتارى بويىنشا باستامالار ەلباسىمەن كەلىسىلەدى دەگەن نورمانى الىپ تاستاۋدى ۇسىندى. تۇزەتىلگەن زاڭ جوباسى ماجىلىسكە قايتارىلدى.
”ادىرنا” ۇلتتىق پورتالى
