ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) باس حاتشىسى ستانيسلاۆ زاس تاجىكستان قاۋىپسىزدىك كەڭەسىنىڭ حاتشىسى ناسرۋللو ماحمۋدزودا جانە قىرعىزستان حاتشىسى مارات يمانقۇلوۆپەن تەلەفون ارقىلى سويلەسىپ، تاراپتاردى شەكارادا اتىستى دەرەۋ توقتاتۋعا شاقىردى، - دەپ حابارلايدى “ادىرنا” ۇلتتىق پورتالى Sputnik تاجىكستانعا سىلتەمە جاساپ.
"شەكارادا جاڭادان باستالعان قاقتىعىستار ۇلكەن الاڭداۋشىلىق تۋدىرادى، سالدارىنان جارالانعاندار بار. تاجىك-قىرعىز شەكاراسىنداعى قارۋلى قاقتىعىس دەرەۋ توقتاتىلۋى ءتيىس", - دەدى زاس.
ول شەكارادا تۋىنداعان جانجال تەك كەلىسسوز ۇستەلىندە بەيبىت جولمەن شەشىلۋى كەرەگىن باسا ايتتى.
"ۇقشۇ قىرعىزستان مەن تاجىكستانعا جانجالدى شەشۋدە قاجەتتى كومەك كورسەتۋگە دايىن. ۇقشۇ-عا مۇشە ەكى مەملەكەتتىڭ باسشىلىعى وسى كۇردەلى شەكارالىق ماسەلەنى رەتتەۋ ءۇشىن ءوزارا قولايلى جولدار تاباتىنىنا سەنىمدىمىن", - دەدى ۇقشۇ باس حاتشىسى.
“ادىرنا” ۇلتتىق پورتالى
