Ujymdyq qaýipsizdik týraly shart uıymynyń (UQShU) bas hatshysy Stanıslav Zas Tájikstan Qaýipsizdik keńesiniń hatshysy Nasrýllo Mahmýdzoda jáne Qyrǵyzstan hatshysy Marat Imanqulovpen telefon arqyly sóılesip, taraptardy shekarada atysty dereý toqtatýǵa shaqyrdy, - dep habarlaıdy “Adyrna” ulttyq portaly Sputnik Tájikstanǵa silteme jasap.
"Shekarada jańadan bastalǵan qaqtyǵystar úlken alańdaýshylyq týdyrady, saldarynan jaralanǵandar bar. Tájik-qyrǵyz shekarasyndaǵy qarýly qaqtyǵys dereý toqtatylýy tıis", - dedi Zas.
Ol shekarada týyndaǵan janjal tek kelissóz ústelinde beıbit jolmen sheshilýi keregin basa aıtty.
"UQShU Qyrǵyzstan men Tájikstanǵa janjaldy sheshýde qajetti kómek kórsetýge daıyn. UQShU-ǵa múshe eki memlekettiń basshylyǵy osy kúrdeli shekaralyq máseleni retteý úshin ózara qolaıly joldar tabatynyna senimdimin", - dedi UQShU bas hatshysy.
“Adyrna” ulttyq portaly