اكىمدىكتەر ەندى جەر بەرىپ، ونى باقىلاۋ قۇقىعىنان ايىرىلدى

1896
Adyrna.kz Telegram

اكىمدىكتەر جەر بەرۋدى، بەرىلگەن جەردىڭ پايدالانىلۋىن باقىلاۋ جونىندەگى فۋنكتسيالارىنان ايىرىلدى، دەپ حابارلايدى “ادىرنا” ۇلتتىق پورتالى. 

اۋىل شارۋاشىلىعى مينيسترلىگىنىڭ مالىمەتى بويىنشا، 2014 جىلدان باستاپ جەر قاتىناستارى جانە مەملەكەتتىك باقىلاۋ باسقارمالارى وبلىستىق، قالالىق جانە اۋداندىق اكىمدىكتەردىڭ قۇرامىنا كىرىپ، وندا «مۇددەلەر قاقتىعىسى» بولعان-دى.

مەملەكەت باسشىسىنىڭ 2021 جىلعى 19 ناۋرىزداعى قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ V وتىرىسىندا بەرگەن تاپسىرماسىنا سايكەس، جەر رەفورماسى جونىندەگى كوميسسيا قۇرىلدى. كوميسسيانىڭ 5 وتىرىسىندا 120-دان استام ۇسىنىس جاسالىپ، جەر زاڭناماسىن جەتىلدىرۋ بويىنشا بىرقاتار جۇيەلى ۇسىنىمدار ازىرلەندى. ۇسىنىستاردىڭ ءبىرى «ورتالىق – ءوڭىر» قاعيداتى بويىنشا جەردى ۇتىمدى پايدالانۋعا مەملەكەتتىك باقىلاۋدىڭ بىرىڭعاي ۆەرتيكالىن قۇرۋ بولدى.

وسىعان بايلانىستى، 2021 جىلعى 30 ماۋسىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانعان ەدى. ول جەردىڭ پايدالانىلۋى مەن قورعالۋىن مەملەكەتتىك باقىلاۋ فۋنكتسيالارىن 2022 جىلعى 1 قاڭتاردان باستاپ اۋماقتىق بولىمشەلەرىن قۇرا وتىرىپ، ورتالىق ۋاكىلەتتى ورگاننىڭ ۆەدومستۆوسىنا بەرۋدى كوزدەيدى.

وسىلايشا، جەر بەرۋ جونىندەگى فۋنكتسيالار اكىمدىكتەردە قالدى، ال اكىمدىكتەردىڭ جەر بەرۋىن جانە مەنشىك يەلەرىنىڭ/جەر پايدالانۋشىلاردىڭ جەردى پايدالانۋىن باقىلاۋ جونىندەگى فۋنكتسيالار اۋماقتىق دەپارتامەنتتەردى قۇرۋ ارقىلى اشم جەر رەسۋرستارىن باسقارۋ كوميتەتىنە بەرىلدى.

“ادىرنا” ۇلتتىق پورتالى

پىكىرلەر