Ákimdikter jer berýdi, berilgen jerdiń paıdalanylýyn baqylaý jónindegi fýnkııalarynan aıyryldy, dep habarlaıdy “Adyrna” ulttyq portaly.
Aýyl sharýashylyǵy mınıstrliginiń málimeti boıynsha, 2014 jyldan bastap Jer qatynastary jáne memlekettik baqylaý basqarmalary oblystyq, qalalyq jáne aýdandyq ákimdikterdiń quramyna kirip, onda «múddeler qaqtyǵysy» bolǵan-dy.
Memleket basshysynyń 2021 jylǵy 19 naýryzdaǵy QR Prezıdenti janyndaǵy Ulttyq qoǵamdyq senim keńesiniń V otyrysynda bergen tapsyrmasyna sáıkes, jer reformasy jónindegi komıssııa quryldy. Komıssııanyń 5 otyrysynda 120-dan astam usynys jasalyp, jer zańnamasyn jetildirý boıynsha birqatar júıeli usynymdar ázirlendi. Usynystardyń biri «ortalyq – óńir» qaǵıdaty boıynsha jerdi utymdy paıdalanýǵa memlekettik baqylaýdyń biryńǵaı vertıkalyn qurý boldy.
Osyǵan baılanysty, 2021 jylǵy 30 maýsymda «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» zań qabyldanǵan edi. Ol jerdiń paıdalanylýy men qorǵalýyn memlekettik baqylaý fýnkııalaryn 2022 jylǵy 1 qańtardan bastap aýmaqtyq bólimshelerin qura otyryp, ortalyq ýákiletti organnyń vedomstvosyna berýdi kózdeıdi.
Osylaısha, jer berý jónindegi fýnkııalar ákimdikterde qaldy, al ákimdikterdiń jer berýin jáne menshik ıeleriniń/jer paıdalanýshylardyń jerdi paıdalanýyn baqylaý jónindegi fýnkııalar aýmaqtyq departamentterdi qurý arqyly AShM Jer resýrstaryn basqarý komıtetine berildi.
“Adyrna” ulttyq portaly
