26 قاڭتاردا پەتروپاۆلدا مەملەكەتتىك قىزمەت ىستەرى اگەنتتىگىنىڭ ادەپ جونىندەگى كەڭەسىنىڭ وتىرىسى ءوتىپ، وندا سولتۇستىك قازاقستان وبلىسى بويىنشا تابيعي مونوپوليالاردى رەتتەۋ دەپارتامەنتىنىڭ باسشىسى اباي بالابەكوۆكە قاتىستى تارتىپتىك ءىس قارالادى، دەپ حابارلايدى "ادىرنا" ۇلتتىق پورتالى Azattyq Rýhy-نا سىلتەپ.
اكىمشىلىك قۇقىق بۇزۋشىلىق تۋرالى حاتتاماعا سايكەس، 2020 جىلدىڭ 26 جەلتوقسانىندا اباي بالابەكوۆ كولىكتى ماس كۇيىندە باسقارعان.
پەتروپاۆل قالاسىنىڭ مامانداندىرىلعان اكىمشىلىك سوتىنىڭ 28 جەلتوقسانداعى قاۋلىسىمەن شەنەۋنىك 7 جىلعا كولىك جۇرگىزۋ قۇقىعىنان ايىرىلىپ، 15 تاۋلىككە اكىمشىلىك قاماۋعا الىندى.
«بالابەكوۆ اباي كليمەنۇلى قازاقستان رەسپۋبليكاسى اقبتك-ءنىڭ 608-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلسىن جانە وعان 15 تاۋلىككە اكىمشىلىك قاماققا الۋ تۇرىندەگى اكىمشىلىك جازا قولدانىلسىن. 7 جىل مەرزىمگە كولىك قۇرالىن باسقارۋ قۇقىعىنان ايىرىلدى»، - دەلىنگەن سوت قاۋلىسىندا.
"ادىرنا" ۇلتتىق پورتالى
