26 qańtarda Petropavlda Memlekettik qyzmet isteri agenttiginiń Ádep jónindegi keńesiniń otyrysy ótip, onda Soltústik Qazaqstan oblysy boıynsha tabıǵı monopolııalardy retteý departamentiniń basshysy Abaı Balabekovke qatysty tártiptik is qaralady, dep habarlaıdy "Adyrna" ulttyq portaly Azattyq Rýhy-na siltep.
Ákimshilik quqyq buzýshylyq týraly hattamaǵa sáıkes, 2020 jyldyń 26 jeltoqsanynda Abaı Balabekov kólikti mas kúıinde basqarǵan.
Petropavl qalasynyń mamandandyrylǵan ákimshilik sotynyń 28 jeltoqsandaǵy qaýlysymen sheneýnik 7 jylǵa kólik júrgizý quqyǵynan aıyrylyp, 15 táýlikke ákimshilik qamaýǵa alyndy.
«Balabekov Abaı Klımenuly Qazaqstan Respýblıkasy ÁQBtK-niń 608-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylsyn jáne oǵan 15 táýlikke ákimshilik qamaqqa alý túrindegi ákimshilik jaza qoldanylsyn. 7 jyl merzimge kólik quralyn basqarý quqyǵynan aıyryldy», - delingen sot qaýlysynda.
"Adyrna" ulttyq portaly
