بيىل 10-جىل قاتارىنان ۇيىمداستىرىلىپ وتىرعان بايقاۋ قۇرمانعازى اتىنداعى قازاق ۇلتتىق كونسەرۆاتورياسىندا 1 اي كولەمىندە وتەدى.
«بۇل بايقاۋدا مۋزىكالىق ءبىلىم الىپ جاتقان 500-گە تارتا ستۋدەنت ونەردىڭ 7 باعىتى بويىنشا «اسپاپتا ويناۋ»، «ديريجەرلىك (حور)»، «ۆوكال ونەرى»، «ءداستۇرلى مۋزىكالىق ونەر»، «كومپوزيتسيا»، «ارت-مەنەدجمەنت»، «مۋزىكالىق ءبىلىم» باق سىناساتىن بولادى»،- دەدى كونسەرۆاتوريانىڭ ءباسپاسوز قىزمەتىنەن.
قۇرمانعازى اتىنداعى ۇلتتىق كونسەرۆاتوريا مەن قازاق ۇلتتىق ونەر ينستيتۋتىنىڭ ماماندارى كىرگەن قازىلار القاسى جاستاردىڭ ونەرىن باعالاماق.
مۋزىكالىق وليمپيادا ەكى كەزەڭنەن تۇرادى. ءبىرىنشى كەزەڭدە قاتىسۋشىلار كورەرمەن الدىندا ونەرىن كورسەتسە، ەكىنشى كەزەڭدە الەمدىك جانە ۇلتتىق ونەر مەن مادەنيەت تۋرالى تەستىلىك سۇراقتارعا جاۋاپ بەرىپ، ءبىلىم دەڭگەيىن كورسەتەدى.
جەڭىمپازدار قر بعم ديپلومدارىمەن، قر تۇڭعىش پرەزيدەنتى قورىنىڭ باعالى سىيلىقتارىمەن ماراپاتتالادى.
2018 جىلعى مۋزىكالىق وليمپيادا تاپسىرمالارىنىڭ نەگىزىنە ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنداعى قوعامدىق سانانى جاڭعىرتۋ يدەيالارى ەنىپ وتىر.
inform.kz
