ەكى مىڭعا جۋىق ادام قول قويىپ ءبىرتانوۆتى بوساتۋدى تالاپ ەتۋدە

1945
Adyrna.kz Telegram

قازاقستاندىقتار بۇرىنعى دەنساۋلىق ساقتاۋ ءمينيسترىن قىلمىستىق قۋدالاۋدى توقتاتۋ تۋرالى جەلىدە پەتيتسيا تاراتتى. وعان ەكى مىڭعا جۋىق ادام قول قويدى، دەپ حابارلايدى “ادىرنا” ۇلتتىق پورتالى ينفورمبيۋرو جاڭالىقتار قىزمەتىنە سىلتەمە بەرىپ.

ەل، بۇكىل الەم پاندەمياعا دايىن بولعان جوق، بۇعان بۇرىنعى ءمينيستردىڭ كىناسى جوق، دەلىنگەن پەتيتسيا ماتىنىندە. 21 قاڭتاردا جاريالانعان ۇندەۋدە تەرگەۋ مەن سۋديالار بۇرىنعى شەنەۋنىكتىڭ ادۆوكاتتارى ۇسىنعان دالەلدەردى ەلەمەيدى دەپ ايتىلادى.

ءبىرتانوۆ ءۇي قاماۋىندا ءبىر جىلدان استام ۋاقىت بولدى. وعان قىزمەتتىك وكىلەتتىگىن اسىرا پايدالانۋ جانە جىمقىرۋ تۋرالى ايىپ تاعىلعان.

130 تومنان استام ءىس ماتەريالدارى بويىنشا ءبىرتانوۆ پەن ونىڭ ورىنباسارى ولجاس ابىشەۆ دەنساۋلىق ساقتاۋ مينيسترلىگىنىڭ پاتسيەنتتەر، ءدارى-دارمەكتەر جانە مەديتسينالىق بۇيىمدار تۋرالى بارلىق اقپاراتتى بىرىكتىرۋگە باعىتتالعان جۇمىس ىستەمەيتىن اقپاراتتاندىرۋ پلاتفورماسىن ىسكە قوسقان. كەلتىرىلگەن شىعىن ءبىر جارىم ميلليارد تەڭگەگە باعالانىپ وتىر. ءىس بويىنشا الدىن الا تىڭداۋ 26 قاڭتارعا بەلگىلەنگەن. سوت وتىرىسى سارىارقا اۋدانىنىڭ اۋداندىق سوتىندا وتەدى.

“ادىرنا” ۇلتتىق پورتالى

پىكىرلەر