ۋتيلسبور ماسەلەسى بويىنشا قازاقستاننىڭ اۆتويندۋستريا سالاسىن باسىپ العان لوببيستتەر 100 شاقتى ادامدى جۇمىس توبىنا قوسىپ، وزدەرى بىردەڭە ىستەپ كورسەتكەندەي بولىپ وتىر. سول جۇزدەگەن ادامنىڭ ىشىندە قوعامنىڭ پايداسى ءۇشىن جۇمىس ىستەيمىن، حالىققا ءبىر پايدامدى تيگىزەمىن دەگەن ساناۋلى عانا وزدەرىڭىزگە بەلگىلى جىگىتتەر بار. بۇلار "وپەراتور روپ" جشس-ءنىڭ تونىن تەرىس قاراتىپ كيگىزىپ، ونى "جاسىل دامۋ" دەگەن اكتسيونەرلىك قوعامعا لاقتىرىپ، وزدەرىنىڭ بۇرىنعى ادامدارىن قىزمەتكە تارتىپ وتىر ەكەن. سوندا نە وزگەردى؟
ەشتەڭە دە وزگەرگەن جوق. كەشەگى حالىقتىڭ قانى توگىلىپ، بۇرق ەتكەنىن ەسكەرمەي وتىر. سىزدەرگە ايتايىن، اۋ ىلشارۋاشىلىق تەحنيكالارىنا قاتىستى ۋتيليزاتسيالىق الىمدى الىپ تاستاماي، ەشقاشان دا اۋىل شارۋاشىلىق سالاسىن دامىتا المايمىز. اۋىل شارۋاشىلىق تەحنيكالارىنا قاتىستى ۋتيليزاتسيالىق الىم 12 ميلليوننان دا اسىپ تۇسەدى. سوندا مىناۋ ۇكىمەت نە ويلاپ وتىر. اۋىل شارۋاشىلىعى سالاسىن دۇرىس رەفورمالاپ، قولعا السا، مۇناي مەن گاز سەكتورىنان دا اسىپ تۇسەتىن تابىسقا قول جەتكىزە الامىز. ورتا جانە شاعىن كاسىپتىڭ 80 پايىزىنان استامى وسى اۋىلشارۋاشىلىعى سالاسىنىڭ ەنشىسىنە كىرەدى. دۇنيەدەگى دامىعان ەلدەردىڭ ءبارىنىڭ ءجىو-ءنىڭ 70-80 پايىزىن ورتا جانە شاعىن كاسىپ قۇرايدى. مۇنايدىڭ ءداۋىرىن ايقايلاپ ءجۇرىپ، وزىمىزگە ۇلەس الا الماي وتكىزىپ بولدىق. ەندى ءبىزدىڭ ەڭسەمىزدى كوتەرىپ، تۇرمىسىمىزدى تۇرالاتپايتىن سالا - وسى اۋىل شارۋاشىلىعى سالاسى. اۋىل شارۋاشىلىعى تەحنيكالارىنا قاتىستى ۋتيليزاتسيالىق الىم الىنىپ تاستالماسا، وندا مىناۋ ۇكىمەتتەن دە، توقاەۆتان دا قايىر جوق. اۋىل شارۋاشىلىعىن دوڭگەلەتەمىن دەگەن شارۋالاردىڭ جايىن ويلامايتىن ۇكىمەتتىڭ حالىققا دا كەرەگى جوق.
سىزدەرگە ايتامىن، اۋىل شارۋاشىلىعى سالاسىنا قاتىستى تەحنيكالاردان ۋتيليزاتسيالىق الىمدى الىپ تاستاڭىزدار!
كەشە عانا قانى سۋداي اققان حالىقتىڭ اشۋىمەن ويناي بەرمەڭىزدەر!
"ادىرنا" ۇلتتىق پورتالى.
