“قايعىلى قاڭتار” قازاقستاننىڭ ءارى قاراي قارقىندى دامىپ، ەل جاعدايىنىڭ تۇزەلۋىنە مۇرىندىق بولا ما؟
مەملەكەت باسشىسى قاسىم-جومارت توقاەۆ بىرقاتار ماسەلەلەردى توپتاستىرىپ، حالىققا ونى ءجىتى تەكسەرىپ شەشۋگە ۋادە بەردى. ەڭ ءبىرىنشى قادامدى ەلباسىنىڭ جاقىن-تۋىستارىن قىزمەتتەرىنەن بوساتۋدان باستادى. وسى جايىندا “ادىرنا” تىلشىسىنە ءامىرجان قوسانوۆ پىكىر بىلدىرگەن ەدى.
-جايلى ورىنداردى جايلاعان ەكس-پرەزيدەنتتىڭ جاقىن-تۋىستارى بىرتىندەپ مانساتتارىنان ايىرىلۋدا. بۇل نەنىڭ نىشانى؟
ءامىرجان قوسانوۆ: جامان نىشان ەمەس! ەگەر دە بۇل پرەزيدەنت توقاەۆتىڭ ەسكىمەن ءبىرجولاتا ات قۇيرىعىن كەسىسىپ، ەلدە وسى كۇنگە دەيىن ءۇستەمدىك ەتكەن ءبىر وتباسىنىڭ مونوپولياسىنان قۇتىلۋ ماقساتىنداعى باتىل ارەكەت بولسا، قوس قولىممەن قولدايمىن.
بۇل، سونىمەن بىرگە، ەكىنشى پرەزيدەنتتىڭ تۇڭعىش پرەزيدەنتتىڭ ورىنسىز ىقپالىنان قۇتىلۋىنىڭ باسى بولار ەدى.
بىراق، ءبىر مونوپوليانىڭ ورنىنا ءوزىنىڭ، توقاەۆتىڭ وتباسى، دوس-جاراندارى جانە تاعى باسقا جاقىندارىنىڭ مونوپولياسىن ورناتۋ جوسپارى بولسا، وعان ءۇزىلدى-كەسىلدى قارسىمىن!
باسقا سوزبەن ايتقاندا، بىزگە «ەكىنشى نازارباەۆ» كەرەك ەمەس!
”ادىرنا” ۇلتتىق پورتالى
