Bizge «ekinshi Nazarbaev» kerek emes! - Ámirjan QOSANOV

5736
Adyrna.kz Telegram

“Qaıǵyly Qańtar” Qazaqstannyń ári qaraı qarqyndy damyp, el jaǵdaıynyń túzelýine muryndyq bola ma?

Memleket basshysy Qasym-Jomart Toqaev birqatar máselelerdi toptastyryp, halyqqa ony jiti tekserip sheshýge ýáde berdi. Eń birinshi qadamdy elbasynyń jaqyn-týystaryn qyzmetterinen bosatýdan bastady. Osy jaıynda “Adyrna” tilshisine Ámirjan Qosanov pikir bildirgen edi.

-Jaıly oryndardy jaılaǵan eks-prezıdenttiń jaqyn-týystary birtindep mansattarynan aıyrylýda. Bul neniń nyshany?

Ámirjan Qosanov: Jaman nyshan emes! Eger de bul prezıdenToqaevtyń eskimen birjolata at quıryǵyn kesisip, elde osy kúnge deıin ústemdik etken bir otbasynyń monopolııasynan qutylý maqsatyndaǵy batyl áreket bolsa, qos qolymmen qoldaımyn.

Bul, sonymen birge, ekinshi prezıdenttiń tuńǵysh prezıdenttiń orynsyz yqpalynan qutylýynyń basy bolar edi.

Biraq, bir monopolııanyń ornyna óziniń, Toqaevtyń otbasy, dos-jarandary jáne taǵy basqa jaqyndarynyń monopolııasyn ornatý jospary bolsa, oǵan úzildi-kesildi qarsymyn!

Basqa sózben aıtqanda, bizge «ekinshi Nazarbaev» kerek emes!

”Adyrna” ulttyq portaly

 

Pikirler