قازىر قاراسام، پرەزيدەنت كەدەيلىك، تابىستىڭ تومەندىگى، الەۋمەتتىك ستراتيفيكاتسيا تۋرالى ماسەلەنى العا تارتا باستاپتى. قۇددى كەشە عانا ويانعانداي. بۇكىل شەنەۋنىك جانە دەپۋتاتتىق ارميا دامىعان 30 ەل قاتارىنا ەنەر كەزدە شۋلاعانداي، ولار دا جاڭعىرىق سياقتى بۇگىنگى ەلدەگى ماسەلەگە ءمان بەرە باستادى.
نەگىزىندە ولارعا، نە تۋرالى شۋىلدايتىنى ماڭىزدى ەمەس جەپ وتىرعان ناندارىنان ايىرىلماسا بولعانى. بىراق شامامەن ءبىر جىل بۇرىن ءبىز بۇل تاقىرىپتى YouTube-تەگى «AuditoriumQZ» اتتى ارنامدا ارنايى كوتەرگەن بولاتىنبىز، سەبەبى ەلدەگى وسى سىندى ماسەلەلەر شەگىنە جەتىپ قالعان ەدى. سونىڭ ىشىندە بالالاردىڭ كەدەيلىگىنە باسا نازار اۋدارۋ قاجەت ەدى. بىراق ول كەزدە بيلىك وعان اسا ءمان بەرمەدى. ءسىرا، وسى كەزدە ولار ەلدەگى ۆيرۋستىق جايتتىڭ احۋالى كوڭىل كونشىتپەسە دە، تاۋەلسىزدىكتىڭ 30 جىلدىعىن تويلاۋعا قىزۋ دايىندالىپ جاتقان بولار. تۇسىنەمىن، قايعىلى قاڭتار وقيعاسى قازىر بيلىكتى دۇرلىكتىرۋگە ءماجبۇر ەتتى. بىراق، بيلىك ەلدەگى ماسەلەنى كورۋ ءۇشىن بىرەۋدىڭ جاپا شەگىپ، بىرەۋ قايتىس بولۋى مىندەت پە؟ ونسىز دا ءورشىپ تۇرعان جالىندى سوندىرگەن «ءورت سوندىرۋشىلەردىڭ» جاقىنداۋى ءوزىنىڭ قاۋىپتىلىگىن الدەقاشان كورسەتكەن. ال ساراپشىلار ەرتەڭ جاعداي ۋشىعىپ كەتۋى مۇمكىن جانە ونىڭ الدىن الۋ ءۇشىن نە ىستەۋ كەرەك دەسە، بيلىك جايلىلىقتاعى كۇلگىن كوزىلدىرىگىن شەشىپ قانا قويا سالىپ، مۇرىندارىن شۇيىرمەي، ايتىلعان بولجامعا قۇلاق اسىپ، ناقتى قورىتىندىلار جاساۋى قاجەت.
