قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ حابارلاۋىنشا،كادەگە جاراتۋ الىمىن اكىمشىلەندىرۋ فۋنكتسياسى بەرىلگەن «جاسىل دامۋ» اق تولىعىمەن مەملەكەتكە تيەسىلى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
«جاسىل دامۋ» اكتسيونەرلىك قوعامى ەكولوگيا، گەولوگيا جانە تابيعي رەسۋرستار مينيسترلىگىنىڭ ۆەدومستۆولىق باعىنىستى ۇيىمى بولىپ تابىلادى جانە مەملەكەتتىڭ قاتىسۋ ۇلەسى 100%-دى قۇرايدى. ياعني، اكتسيونەرلىك قوعام قۇرامىندا باسقا جەكە جانە زاڭدى تۇلعالار جوق» دەپ حابارلادى مينيسترلىك.
«جاسىل دامۋ»، ەڭ الدىمەن، قىسقا مەرزىمدە وكم مەملەكەتتىك وپەراتورىنىڭ قىزمەتىن جوسپارلى رەجيمدە قالپىنا كەلتىرۋى ءتيىس.
بۇل رەتتە كادەگە جاراتۋ تولەمىنىڭ اعىمداعى مولشەرلەمەلەرى ۋاكىلەتتى ورگان مولشەرلەمەلەردى قايتا قاراعان ساتكە دەيىن قولدانىستا بولادى. ولاردى ازىرلەۋ جانە تالقىلاۋ جاقىن ارادا جوسپارلانىپ وتىر.
2022 جىلعى 11 قاڭتاردا پرەزيدەنت قاسىم-جومارت توقاەۆ كادەگە جاراتۋدى جيناۋمەن شەت ەلدەردەگىدەي مەملەكەتتىك ۇيىم اينالىسۋى ءتيىس ەكەنىن اتاپ ءوتتى.
ەسكە سالساق، الەۋمەتتىك جەلىلەردە بۇدان بىلاي كادەگە جاراتۋ الىمىمەن اينالىساتىن مەملەكەتتىك ۇيىم جاريالاعان «جاسىل دامۋعا» ەكولوگيا مينيسترلىگىنەن حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنا بەرىلگەنى تۋرالى حابارلاندى.
باسىندا حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنا جالعىز قۇرىلتايشىسى ەكولوگيا مينيسترلىگى بولدى.
سودان كەيىن 50% اكتسياسى قازاقستاننىڭ ەكولوگيالىق ۇيىمدار قاۋىمداستىعىنا 50 ميلليون تەڭگەگە ساتىلدى.
قاۋىمداستىقتىڭ ەكى قۇرىلتايشىسى بار – ءاليا نازارباەۆانىڭ جەكە قورى جانە G-Global كواليتسياسى.
G-Global كواليتسياسىنىڭ ءۇش قۇرىلتايشىسى بار – «اۋىل» پارتياسى توراعاسىنىڭ ورىنباسارى تولەۋتاي راحىمبەكوۆ پەن ونىڭ قىزى ءاليانىڭ جشس-نە تيەسىلى.
”ادىرنا” ۇلتتىق پورتالى
